عمر بڑھنے کے حیاتیاتی عمل کو روک کر پلٹا جاسکتا کیا؟
یوتھ ویژن نیوز :نئی تحقیق میں ثابت ہوا ہے کہ عمر بڑھنے کے حیاتیاتی عمل کو ممکنہ طور پر روکا تو جا سکتا ہے لیکن مکمل طور پر پلٹایا نہیں جاسکتا۔
سنگاپور کی مقامی کمپنی کے محققین سمیت دیگر محققین نے مصنوعی ذہانت اور مشین لرننگ آلات کا استعمال کرتے ہوئے انسانوں کی عمر کو پلٹانے کے امکانات کا جائزہ لیا۔
BioRxiv میں بطور پری پرنٹ شائع کی جانے والی تحقیق میں سائنس دانوں نے انسانوں میں عمر بڑھنے کے اہم جز ’ریزیلئنس‘ کا مطالعہ کیا ہے۔
تحقیق میں سائنس دانوں نے بالخصوص ایسے عوامل کا جائزہ لیا جس کو تھرمو ڈائنامک بائیولوجیکل ایج (ٹی بی اے) کہا جاتا ہے۔ یہ عمل کسی حیات میں عمر گزرنے کے ساتھ گم ہونے والی حیاتیاتی معلومات پر روشنی ڈالتا ہے۔
محققین کے مطابق ٹی بی اے کسی بھی حیاتیات میں عمر بڑھنے کے ساتھ ہونے والی بیماری کی شدت کو دیکھتے ہیں۔ٹی بی اے عمر کے ساتھ بڑھتا ہے، وقت کے ساتھ اس کی لچک کم پڑسکتی ہے اور دائمی امراض اور موت کے خطرات میں تیزی سے اضافہ ہو سکتا ہے، ٹی بی اے میں ہونے والی اس تبدیلی کو پلٹا نہیں جاسکتا، مزید یہ کہ یہ تبدیلی عمر بڑھنے کو پلٹانے کے امکانات کے لیے رکاوٹ بن سکتی ہے
