مودی کےعلاوہ کسی کے پاس’’انٹائر پولٹیکل سائنس‘‘ میں ایم اے کی ڈگری نہیں،کیا یہ مذاق نہیں؟ اشوک سوائیں
یوتھ ویژن نیوز: انڈیا میں وزیر اعظم نریندر مودی کی ڈگری پربحث میں ایک نیا موڑ ۔۔دلی کے وزیر اعلی اروند کیجریوال کی جانب سے یہی سوال عدالت کے سامنے اٹھانا مہنگا پڑ گیا۔ریاست گجرات کی ہائی کورٹ نے دلی کے وزیر اعلی اروند کیجریوال کو نریندر مودی کی ڈگری کی تفصیلات مانگنے پر 25,000 روپے کا جرمانہ عائد کرتے ہوئے ان کے ارادے پر شک کا اظہار بھی کیا۔
رپورٹ کے مطابق عدالت کا کہنا تھا کہ کیجریوال کو ایک ایسے معاملے کو متنازع بنانے کی ضرورت کیوں پیش آئی جبکہ وزیر اعظم کی ڈگریاں پہلے ہی عام کی جا چکی ہیں۔
واضح رہے کہ عام آدمی پارٹی ماضی میں بھی نریندر مودی کی تعلیمی قابلیت پر سوال اٹھا چکی ہے اور دو ہزار سولہ میں وزیر اعلی اروند کیجریوال نے باقاعدہ طور پر سینٹرل انفارمیشن کمیشن سے درخواست کی کہ معلومات تک رسائی کے حق کے قانون کے تحت وزیر اعظم کی ڈگری کی معلومات فراہم کرنے کا حکم دیا جائے۔
تاہم بھارت کی حکمراں جماعت بی جے پی نے وزیر اعظم نریندر مودی کی بی اے اور ایم اے کی ڈگریاں جاری کرتے ہوئے اروند کیجریوال سے مطالبہ کیا تھا کہ وہ نریندر مودی سے ان کی ڈگریوں کو جعلی قرار دینے کے لیے معافی مانگیں۔اس کے باوجود کیجریوال کی جانب سے درخواست کے جواب میں انڈیا کے سینٹرل انفارمیشن کیمشن (سی آئی سی) نے وزیر اعظم کے دفتر کے ساتھ دلی اور گجرات یونیورسٹیوں کو مودی کی ڈگریاں فراہم کرنے کا حکم دیا تھا۔
اپنے حکم نامے میں گجراٹ کی عدالت نے یہ بھی کہا کہ وزیر اعظم کو کسی بھی بڑے عوامی مفاد کی عدم موجودگی میں اپنی تعلیمی ڈگریاں دکھانے کے معاملے میں آر ٹی آئی ایکٹ کی دفعہ 8 (1) (ای) اور (جے) کی شقوں کے تحت انکشاف سے استثنیٰ حاصل ہے۔
انڈیا کے وزیر اعظم کی یہ ڈگریاں پوسٹ کی ہیں جس کے متعلق ایک اور سوال سامنے آیا ہے کہ آیا کوئی ’انٹائر پولیٹیکل سائنس‘ میں ایم اے کر سکتا ہے کیا اور یہ کہاں ہوتا ہے۔
جب یہ معاملہ طول پکڑ رہا تھا تو پروفیسر اشوک سوائیں نے ٹویٹ کیا کہ ’مودی کے علاوہ دنیا میں کسی کے بھی پاس انٹائر پولیٹیکل سائنس میں ڈگری نہیں ہے۔ اور یہ کوئی مذاق نہیں ہے۔‘
زاہد گہلوت نامی ایک صارف نے ایک سکرین شاٹ پوسٹ کیا جس میں لکھا ہے کہ مودی جی نے کنڑ زبان کی میگزین ترنگ کو سنہ 1992 میں انٹرویو دیا جس میں انھوں نے خود کو میکینیکل انجینیئر بتایا ہے اور ان سے پوچھا کہ ’نریندر مودی جی برائے مہربانی وضاحت کریں کہ آپ نے ’انٹائر پولیٹیکل سائنس‘ میں ڈگری لی ہے یا ’میکینیکل انجینیئر‘ کی ڈگری لی ہے۔‘https://twitter.com/ZGahlot/status/1641806701237252100?
