نگران وزیراعلیٰ کی ہدایت پرترکیہ اورشام کے زلزلہ زدگان کیلئے امدادی سامان کے ٹرک روانہ

یوتھ ویژن نیوز (عمران قذافی سے )نگران وزیراعلیٰ پنجاب محسن نقوی کی ہدایت پر پی ڈی ایم اے کی جانب سے ترکیہ اورشام کے زلزلہ زدگان کیلئے امدادی سامان کے ٹرک روانہ کردیئے گئے ہیں۔

نگران وزیراعلیٰ محسن نقوی کی ہدایت پرپی ڈی ایم اے نے صوبے بھر سے ترکیہ اورشام کے زلزلہ زدگان کی امدادکیلئے ضروری سامان جمع کر کے کراچی بندرگاہ بھجوادیا گیاہے۔ کراچی بندرگاہ سے امدادی سامان بحری جہاز کے ذریعے ترکیہ اورشام بھجوایاجائے گا۔ پی ڈی ایم اے ترکیہ اورشام کے زلزلہ متاثرین کیلئے پرائم منسٹر ریلیف فنڈ میں 10کروڑ کے عطیات جمع کرواچکا ہے جبکہ ترکیہ اورشام کے زلزلہ زدگا ن کے لئے پورے پنجاب سے عطیات اکٹھے کیے جارہے ہیں۔امدادی سامان میں کمبل،رضائیاں،فوڈ ہیمپرز،گرم لباس اورسلیپنگ بیگزشامل ہیں۔امدادی سامان میں آٹے،چاول کے تھیلے اورکھانے پینے کی دیگر اشیاء بھی شامل ہیں۔