شمالی کوریا کے سربراہ کِم جونگ اُن کی بیٹی  کی تصاویر پہلی بار منظر عام پر

شمالی کوریا کے سربراہ کے خاندان کے بارے میں دنیا کو بہت کم معلومات ہیں – فوٹوز: سوشل میڈیا

پیانگ یانگ: شمالی کوریا کے سربراہ کِم جونگ اُن کی بیٹی کی تصاویر پہلی مرتبہ منظر عام پر آگئیں۔

غیر ملکی میڈیا کے مطابق بین البراعظمی میزائل کے تجربے کے موقع پر شمالی کوریا کے سربراہ کِم جونگ اُن کی بیٹی کے ساتھ تصویریں سامنے آ گئیں، تصاویر میں کِم جونگ اُن کو اپنی بیٹی کا ہاتھ پکڑے دیکھا جاسکتا ہے۔

رپورٹس میں مزید کہا گیا ہے کہ شمالی کوریا کے سربراہ کی اہلیہ بھی تجربے کے وقت اُن کے ساتھ موجود تھیں، یہ پہلا موقع ہے جب کِم جونگ اُن کی بیٹی کی تصاویر منظرِ عام پر آگئی ہیں۔

واضح رہے کہ اِس سے پہلے ایک مرتبہ امریکی باسکٹ بال کھلاڑی ڈینس روڈمین نے 2013 میں کہا تھا کہ کِم جونگ اُن کی چھوٹی بیٹی کا نام جو ای ہے۔