دوست محمد مزاری پرسرکاری زمینوں پر قبضوں کا الزام اینٹی کرپشن نے طلب کر لیا
یوتھ ویژن نیوز(مظہر چشتی سے ) اینٹی کرپشن نے سابق ڈپٹی اسپیکر پنجاب اسمبلی دوست محمد مزاری اور دیگر کو سرکاری زمینوں پر قبضے کے الزامات پر طلب کرلیا۔
ترجمان اینٹی کرپشن اسٹیبلشمنٹ پنجاب کے مطابق دوست محمد مزاری کے علاوہ زاہد مزاری، شیر محمد مزاری اور معظم مزاری کو بھی سرکاری زمینوں پر قبضے کے الزامات پر 11اکتوبر کو لاہور ہیڈ کوارٹرز میں طلب کیا گیا ہے۔
یہ بھی پڑھیں: سہ فریقی سیریز:پاکستان نے نیوزی لینڈ کو 4 وکٹوں سے شکست دے دی
سابق ڈپٹی اسپیکر پنجاب سمبلی دوست محمد مزاری کو ڈائریکٹر ویجیلینس ہیڈ کوارٹرز کے آفس میں 1بجے دوپہر حاضر ہوئے کا نوٹس جاری کیا گیا ہے۔ علاوہ ازیں اسسٹنٹ کمشنر روجھان ،تحصیلدار اور حلقہ پٹواری کو بھی ریکارڈ سمیت طلب کیا گیا ہے۔
واضح رہے کہ دوست محمد مزاری کے خلاف جعلی کاغذات کے ذریعے سرکاری زمینوں پر قبضے کے الزامات ہیں جب کہ اینٹی کرپشن پنجاب سرکاری زمینوں پر ناجائز قابضین کیس میں انکوائری کر رہا ہے۔
