سہ فریقی سیریز:پاکستان نے نیوزی لینڈ کو 4 وکٹوں سے شکست دے دی
یوتھ ویژن نیوز (عاقب غوری سے )پاکستان نے سہ فریقی ٹی 20 سیریز کے دوسرے میچ میں 4 وکٹوں سے شکست دے دی ہے۔
نیوزی لینڈ کی ٹیم نے ٹاس جیت کر پہلے بلے بازی کرتے ہوئے مقررہ اوورز میں 148 رنز کا ہدف دیا تھا جسےقومی ٹیم نے 19ویں اوور کی دوسری گیند پر باآسانی حاصل کیا۔
یہ بھی پڑھیں: پاکستان ویٹرنری اینڈ میڈیکل کونسل کی اسلامیہ یونیورسٹی بہاولپور کی تاریخی پذیرائی
تفصیلات کے مطابق کرائسٹ چرچ میں کھیلے جانے والے میچ میں کیوی کھلاڑی پاکستانی باؤلنگ کے سامنے بے بس رہے۔ نیوزی لینڈ کے اوپنر فن ایلن 13 رنز پر محمد وسیم کا شکار بنے جس کے بعد 11 ویں اوور میں ڈیوڈ کونوے 36 رنز بنا کر محمد نواز کا شکار بنے۔
نیوزی لینڈ کے ڈیون کونوے 36، کپتان کین ولیمسن 31، گلین فلیپس 18، مارک چیپمین 32، جیمز نیشم 5، مائیکل بریس ویل صفر، ایش سوڈھی 2 رنز بناکر آؤٹ ہوئے۔اس کے علاوہ ٹم ساؤتھی اور ٹرینٹ بولٹ بالترتیب 1 اور 2 رنز بناکر ناٹ آؤٹ رہے۔
پاکستان کی جانب سے فاسٹ بولر حارث رؤف نے شاندار بولنگ کا مظاہرہ کرتے ہوئے 19ویں اوور میں تین کھلاڑیوں کو آؤٹ کیا اور 4 اوورز میں 28 رنز دیے۔
یہ بھی پڑھیں: رانا ثنا اللہ کی گرفتاری کیلئےآنےوالی اینٹی کرپشن ٹیم کو واپس بھیج دیا گیا
اس کے علاوہ محمد وسیم جونیئر اور محمد نواز نے 2،2 کھلاڑیوں کو آؤٹ کیا جب کہ شاہنواز دھانی ایک وکٹ لینے میں کامیاب ہوئے۔ پاکستان کی جانب سے جواب میں بابر اعظم اور محمد رضوان نے اننگز کا آغاز کیا اور ٹرینٹ بولٹ نے پہلا اوور میڈن کروایا۔ محمد رضوان 12 بولز پر 4 رنز بنا کر ٹم ساؤتھی کا شکار بنے اور اگلے اوور میں شان مسعود 0 رن بنا کر ٹنکرکی بول پر آؤٹ ہو گئے تھے۔ جس کے بعد کپتان بابر اعظم اور نائب کپتان نے لڑکھڑاتی ٹیم کو سنبھالا لیکن شاداب خان بھی 34 رنز بنا کر بابر اعظم کا ساتھ چھوڑ گئے۔ جس کے بعد محمد نواز میدان میں آئے اور 19 رنز بنا کر آؤٹ ہو گئے آخر میں حیدر علی میدان میں آئے اور 2 گیندوں پر ایک چھکے اور چوکے کی مدد سے 10 رنز بنائے۔ بابر اعظم 53 گیندوں پر 79 رنز بنا کر ناٹ آؤٹ رہے۔