اسلام آباد ہائیکورٹ نے عمران خان کی معافی قبول کرلی

اسلام آباد ہائیکورٹ نے  خاتون جج کو دھمکی دینے  سے متعلق کیس میں عمران خان کی معافی قبول کرتے ہوئے توہین عدالت کا نوٹس ڈسچارج کرنے کا حکم دے دیا۔

تفصیلات کے مطابق چیف جسٹس اطہر من اللہ کی سربراہی میں 5 رکنی بینچ   نے سابق وزیر اعظم عمران خان کیخلاف توہین عدالت کیس کی سماعت  کی۔ جسٹس محسن اختر کیانی، جسٹس میاں گل حسن اورنگزیب، جسٹس بابر ستار، جسٹس طارق محمود جہانگیری بینچ میں شامل ہیں۔

یہ بھی پڑھیں: گورنر پنجاب کی ڈپٹی سپیکر قومی اسمبلی سےملاقات سیلابی صورتحال پر گفتگو

چیف جسٹس اطہر من اللہ نے ریمارکس دیے کہ ہم نے آپ کا بیان حلفی پڑھا ہے، کچھ اور کہنا چاہتے ہیں؟

بادی النظر میں یہ توہین عدالت تھی، تاہم عمران خان کے رویے پر عمران خان کیخلاف توہین عدالت کی کارروائی ختم کر رہے ہیں، توہین عدالت کیسسز میں ہم بہت احتیاط کرتے ہیں، عمران خان کا ڈسٹرکٹ کورٹس جانا اور یہاں پر معافی مانگنا بہتر ہے۔۔ ہم عمران خان کے کنڈکٹ سے بھی مطمئن ہیں۔ عمران خان کا کچہری جاکر خاتون جج سے معافی مانگنا اچھا اقدام ہے۔ہم تمام ججز نے مشترکہ طور پر فیصلہ کیا ہے کہ عمران خان کیخلاف توہین عدالت کی کارروائی ختم کریں۔