ڈوپ ٹیسٹ مثبت آنےپرپاکستانی ایتھلیٹ سےمیڈل واپس لےلیاگیا
یوتھ ویژن نیوز ( ویب ڈسک سے ) برمنگھم میں ہونے والے کامن ویلتھ گیمز 2022 میں شرکت کرنے والے پاکستانی ایتھلیٹ کا ڈوپ ٹیسٹ مثبت آگیا ہے۔ جس پرپاکستانی ایتھلیٹ سے میڈل واپس لے لیا گیا ہے۔
تفصیلات کے مطابق کامن ویلتھ گیمز میں پاکستانی پہلوان علی اسد نے 57 کلو گرام کیٹگری میں کانسی کا تمغہ حاصل کیا تھا۔ اسد علی کا روانگی سے قبل پاکستان میں ڈوپ سیمپل لیا گیا تھا۔ پاکستان میں ہونے والے ڈوپ ٹیسٹ کی رپورٹ مثبت آئی ہے جبکہ کامن ویلتھ گیمز کے دوران بھی ان کا ڈوپ ٹیسٹ کیا گیا تھا جس میں انکی رپورٹ مثبت آئی تھی
یہ بھی پڑھیں: تیسرا ٹی20؛انگلینڈ کا پاکستان کو جیت کیلیے 222 رنزکا ہدف
اسد علی کا اے سیمپل مثبت آنے پر بی سیمپل ٹیسٹ کیا گیا لیکن یہ بھی مثبت ثابت ہوا ہے۔ پاکستانی ایتھلیٹ کو انکوائری کمیٹی کے سامنے پیش ہوکر اپنا مؤقف بیان کرنے کا موقع ملے گا۔ اگر ریسلر پر قوت بخش ادویات کا استعمال ثابت جاتا ہے تو اس پر 4 سال تک کی پابندی عائد کی جاسکتی ہے