صدرمملکت کی سیلاب متاثرین کو مکانوں کی فراہمی کیلئےاہم تجویز
یوتھ ویژن نیوز ( ثاقب غوری سے )صدر مملکت عارف علوی سے ورلڈ بِرج گروپ آف کمپنیز، کمبوڈیا کے چیئرمین بورڈ آف ڈائریکٹرز کی ملاقات
یہ بھی پڑھیں: تلخیاں! جمع ہوتی امداد بٹتی نظر نہیں آرہی!
۔اس موقع پر صدر مملکت عارف علوی نے کہا کہ کمبوڈیا اور پاکستان میں سرمایہ کاری، تجارت اور کاروباری تعاون کی بے پناہ گنجائش موجود ہے ، دونوں ممالک کی معیشت میں ٹیکسٹائل کا شعبہ ریڑھ کی ہڈی کی حیثیت رکھتا ہے ،گارمنٹس اور ٹیکسٹائل کے شعبوں کو دونوں ممالک کے اسٹیک ہولڈرز کے درمیان روابط پیدا کرکے مزید ترقی دی جاسکتی ہے۔
صدرعارف علوی نے پاکستانی معیشت کے مختلف شعبوں میں سرمایہ کاری کے مواقع پر بھی روشنی ڈالی، صدر عارف علوی نے کہا کہ پاکستان میں سیاحت کے شعبے میں سرمایہ کاری کے بے پناہ مواقع ہیں،دونوں ممالک ٹیکنالوجی، تربیت اور ہنر کی منتقلی ، اشیا اور خدمات کے تبادلے سے فائدہ اٹھا سکتے ہیں ،صدر مملکت کا مزید کہناتھا کہ کمبوڈیا پہلے سے تیار شدہ اور کم لاگت کے مکانات کا تجربہ رکھتا ہے، سیلاب متاثرین ، ملک کے نچلے اور متوسط طبقے کو مکانات کی فراہمی کیلئے تیار شدہ مکانات پر غور کیا جا سکتا ہے
یہ بھی پڑھیں: نیب کا نئے قانون کےتحت پرانے مقدمات کا بھی جائزہ لینےکا فیصلہ
پاکستان اپنی آبادی اور نوجوانوں کو مارکیٹ مطابق ہنر حاصل کرنے کی ترغیب دے رہا ہے،آئی ٹی کے شعبے میں آن لائن کورسز کے ذریعے ڈیجیٹل مہارتیں فراہم کی جا رہی ہیں ،اس موقع پر چیئرمین برج گروپ نے کہا کہ ٹیکسٹائل اور خام مال کی درآمدات سمیت مختلف شعبوں میں پاکستان کے ساتھ تعاون کے خواہاں ہیں۔ دونوں ممالک کے درمیان تجارت، کاروبار اور سرمایہ کاری کے امکانات کا جائزہ لینے کے لیے مارکیٹ سروے کریں گے ۔