عالیہ بھٹ کا نام تبدیل کرنے کا اعلان،نیا نام بھی بتا دیا
بالی وڈ سپر اسٹارعالیہ بھٹ نے اپنا نام تبدیل کرنے کا فیصلہ کر لیا ہے۔ عالیہ بھٹ نے اپنے نام کے ساتھ اپنے شوہر رنبیر کپور کے خاندانی نام کپور کو لگانے کا فیصلہ کیا ہے۔
تفصیلات کے مطابق عالیہ بھٹ نے میڈیا کو انٹرویو کو انٹرویو دیتے ہوئے کہا کہ وہ شادی کے بعد اب باضابطہ طور پر اپنے پاسپورٹ پر نام تبدیل کرنے جا رہی ہیں۔
عالیہ بھٹ کا کہنا ہے کہ اُنہیں عالیہ بھٹ کی جگہ عالیہ بھٹ کپور کہلائے جانے پر زیادہ خوشی ہو گی۔ اسی لیے بہت جلد وہ اپنا نام تبدیل کر لیں گی۔
عالیہ بھٹ نے کہا کہ ان کا فلمی نام عالیہ بھٹ ہی رہے گا لیکن پاسپورٹ پر نام بدل کر عالیہ بھٹ کپور ہوگا کیونکہ اب وہ کپور فیملی کا حصہ ہیں۔
انٹرویو کے دوران عالیہ بھٹ کا مزید کہنا تھا کہ میں کافی عرصے سے اپنا نام تبدیل کرنے کے بارے میں سوچ رہی تھی لیکن مجھے کام کی وجہ سے اتنا وقت نہیں مل پا رہا تھا۔ اب ہمارے ہاں ایک بچے کی پیدائش بھی ہونے والی ہے اس لیے جب سب کپور اکٹھے سفر کر رہے ہوں گے تو میں اکیلی بھٹ کہلاؤں گی۔ پاسپورٹ پر اپنا نام اس لیے تبدیل کرنا چاہتی ہوں تاکہ میں اپنے آپ کو کپورز کے ساتھ اکیلا محسوس نہ کروں۔
