طلب میں کمی کےباعث عالمی مارکیٹ میں خام تیل کی قیمتیں گرگئیں

دنیا بھر میں تجارتی اور صنعتی سرگرمیاں سست ہونے اور مہنگائی سے لوگوں کی قوت خرید میں کم ہو گئی۔ طلب میں کمی کے بعد عالمی  مارکیٹ میں خام تیل کی قیمتوں میں کمی جاری ہے۔ امریکی ڈبلیو ٹی آئی خام تیل 36 سینٹ سستا ہونے کے بعد 96 ڈالر، 43سینٹ فی بیرل ہوگیا جبکہ برطانوی  برینٹ خام  تیل  کی قیمت میں 10سینٹ کی کمی ہوئی جس کے بعد برینٹ خام تیل 100ڈالر، 10سینٹ کا ہوگیا۔

عالمی مارکیٹ میں ملائیشین پام آئل کی فی ٹن قیمت  بھی 2ڈالر کم ہوکر 865ڈالر پر آگئی جبکہ گندم کی فی ٹن  قیمت  50سینٹ کی کمی سے 343یورو اور 75سینٹ ہو گئی ۔

سونے کی ایک دن میں فی اونس قیمت  میں بھی 27 ڈالرکی  کمی  ریکارڈ کی گئی جس کے بعد فی اونس سونا ایک ہزار، 708ڈالر کا ہو گیا۔ چاندی 84سینٹ کمی کے بعد 18ڈالر، 34سینٹ فی اونس ہو گئی۔ تانبہ 2فیصد سستا ہونے کے بعد فی گرام  3ڈالر اور 23سینٹ کا ہو گیا۔ پلاٹینیم ایک ڈالر، 61سینٹ کمی کے بعد فی اونس 824 جبکہ پلاڈیئم 3فیصد سستا ہوکر ایک ہزار، 909ڈالر فی اونس ہو گیا۔ عالمی حصص بازاروں پر نظر ڈالیں تو امریکا کا ڈاؤ انڈیکس 142 جبکہ ایس اینڈ پی 500انڈیکس 11پوائنٹ کی کمی پر بند ہوا۔

یورپی  اسٹاک مارکیٹس بھی  مندی کا شکار رہیں۔ ڈیکس  انڈیکس میں 236 اور  ایف ٹی ایس ای انڈیکس 116 پوائنٹ گر گیا۔ اٹلی کی اسٹاک مارکیٹ 732پوائنٹ جبکہ  سی اے  سی انڈیکس84پوائنٹ کی کمی پر بند ہوا۔ ایشیا کے حصص بازاروں میں بھی مندی رہی۔ شنگھائی اسٹاک مارکیٹ صفر اعشاریہ آٹھ، ہانگ کانگ اسٹاک مارکیٹ صفر اعشاریہ بائیس جبکہ سیول اسٹاک مارکیٹ صفر اعشاریہ ستائیس فیصد کمی پر بند ہوئی