بہاولپور سنٹرل جیل میں اسیران کے لئے تعلیم بالغان کے سنٹر کا قیام
بہاول پور: ( قاری محمد عاشق سے)وزیر اعلیٰ پنجاب سردار عثمان بزدار اور انسپکٹر جنرل جیل خانہ جات پنجاب لاہور کی ہدایات کے مطابق اسیران کی فلاح وبہبود اور انہیں معاشرے کا مفید اور کارآمد شہری بنانے کے لئے پنجاب بھر کی دیگر جیلوں کی طرح سنٹرل جیل بہاول پور میں بھی تعلیم بالغان کے5مراکز (Adult Literacy Centers) کا قیام عمل میں لایا گیا ہے جن کے ذریعے اسیران زیور تعلیم سے آراستہ ہو رہے ہیں۔ اس سلسلہ میں لٹریسی اینڈ نان فارمل بیسک ایجوکیشن ڈیپارٹمنٹ کی جانب سے کریکولم ایکسپرٹ مسز حنا کی سربراہی میں مانیٹرنگ ٹیم نے آج یہاں سنٹرل جیل بہاول پور کا تفصیلی دورہ کیا اور اسیران کا تعلیمی معیار چیک کیا۔اس موقع پر سپرنٹنڈنٹ سنٹرل جیل شہرام توقیر خان سمیت جیل افسران اور عملہ موجود تھا۔
Load/Hide Comments