گورنمنٹ صادق کالج ویمن یونیورسٹی بہاولپور میں محفل میلادﷺ کا انعقاد
بہاول پور: ( یاسر ملک سے )دی گورنمنٹ صادق کالج ویمن یونیورسٹی بہاول پور میں یونیورسٹی ہاسٹل انتظامیہ کی جانب سے محفل میلاد النبی ؐ کا اہتمام کیا گیا۔وائس چانسلر دی گورنمنٹ صادق کالج ویمن یونیورسٹی پروفیسر ڈاکٹر صاعقہ امتیاز آصف نے تقریب میں بطور مہمان خصوصی شرکت کی۔ محفل میلاد میں یونیورسٹی ہاسٹل کی طالبات نے والہانہ عقیدت سے بارگاہ خیر الانام صلی اللہ علیہ وآلہ وسلم میں ہدیہ نعت اور درود وسلام کے پھول پیش کیے۔ وائس چانسلر پروفیسر ڈاکٹر صاعقہ امتیاز آصف نے تقریب سے خطاب کرتے ہوئے کہا کہ ہمیں اسوہ رسول ؐ کو اپنا نا چاہیے اسی میں کامیابی ہے۔ آج کی نوجوان بچیوں کوچاہیے کہ وہ حضرت عائشہ صدیقہ رض اللہ عنہا او رحضرت فاطمہ رضی اللہ عنہاکی سیرت کا مطالعہ کریں اور انہیں اپنا آئیڈیل تسلیم کریں۔پروفیسر ڈاکٹر صاعقہ امتیاز آصف نے محفل میلاد کے انعقاد پر ہاسٹل انتظامیہ کو مبارکباد پیش کی اور یونیورسٹی ہاسٹل میں ایسی سرگرمیوں کے اقدام کو سراہا۔ محفل میلاد میں یونیورسٹی اساتذہ اور ہاسٹل طالبات نے کثیر تعداد میں شرکت کی۔
