ڈپٹی کمشنر بہاولپور کی جانب سے خیرپور ٹامیوالی میں ڈائیلاسز سنٹر کا افتتاح

بہاول پور: (محمد بلال سے )ڈپٹی کمشنر عرفان علی کاٹھیا نے تحصیل ہیڈ کواٹر ہسپتال خیرپور ٹامیوالی کے دورہ کے موقع پر ڈائیلاسز سنٹر میں توسیع اور جدید انستھیزیا مشین کی فراہمی کا افتتاح کیا۔ اس موقع پر پاکستان تحریک انصاف کے رہنما سید تحسین نواز گردیزی، سی ای او ہیلتھ ڈاکٹر محمد اقبال مکوال، ڈپٹی ڈائریکٹر ڈویلپمنٹ ملک محبوب الہٰی کھر، ایم ایس تحصیل ہیڈ کواٹر ہسپتال موجود تھے۔ ڈپٹی کمشنر نے کہا کہ ڈائیلاسز یونٹ میں توسیع اور جدید انستھیزیا مشین کی فراہمی سے علاج معالجہ کی سہولت میں مزید بہتری آئے گی۔ انھوں نے زیر علاج مریضوں کی عیادت کی۔ وہ ٹی ایچ کیو کے مختلف شعبہ جات میں گئے اور علاج معالج کی دی جانے والی سہولیات کا جائزہ لیا۔ انہوں نے ڈاکٹرز اور پیرا میڈیکل سٹاف سے کہا کہ وہ اپنی پیشہ وارانہ ذمہ داریاں احسن طریقہ سے انجام دیں۔