عمران خان بطور وزیر اعظم اپنی آئینی مدت کا آخری دن بھی پورا کر یں گے اور ملک میں الیکشن 2023سے پہلے نہیں ہوں گے،گور نر پنجاب

لاہور۔ (یاسر ملک سے ):گور نر پنجاب چوہدری محمدسرور نے کہا کہ تحر یک انصاف کے کارکنان ہماری سب سے بڑی طاقت ہیں اور آج بھی تحر یک انصاف سے بڑا کوئی جلسہ نہیں کر سکتا ،بلدیاتی انتخابات میں بھی پارٹی ورکرز کو متحد ہوکر امیدوارو ں کو سپورٹ کر نا چاہیے جب سب ملکرالیکشن لڑیں گے تو یقینی طور پرتحر یک انصاف کی ہی جیت ہوگی، وہ جنوبی پنجاب کے 2ہزار سے زائد پارٹی ورکرز کے اعزاز میں ناشتہ کے موقع پر تقریب سے خطاب کررہے تھے

،انہوں نے کہا کہ عمران خان بطور وزیر اعظم اپنی آئینی مدت کا آخری دن بھی پورا کر یں گے اور ملک میں الیکشن 2023سے پہلے نہیں ہوں گے۔گور نر پنجاب چوہدری محمدسرور کی جانب سے جنوبی پنجاب سے ملتان ڈویژن کے کارکنوں کے اعزاز میں دیئے جانیوالے ناشتہ میں صوبائی وزیر انر جی ڈاکٹر اختر ملک ،صوبائی وزیر حسنین جہانیاں گر دیزیرکن قومی اسمبلی قاسم نون، رکن پنجاب اسمبلی جاوید اختر انصاری، تحر یک انصاف وکلاخواتین ونگ یوتھ اور دیگر ونگز کے عہدیداران سمیت دو ہزار سے زائد کارکنان شر یک ہوئے جنہوں نے کارکنوں کے اعزاز میں ناشتہ پر گور نر پنجاب کا خصوصی طور شکر یہ اداکیا ۔

گور نر پنجاب چوہدری محمدسرور نے کہا کہ تحر یک انصاف کے کارکنان ہماری سب سے بڑی طاقت ہیں اور آج بھی تحر یک انصاف سے بڑا کوئی جلسہ نہیں کر سکتا ،بلدیاتی انتخابات میں بھی پارٹی ورکرز کو متحد ہوکر امیدوارو ں کو سپورٹ کر نا چاہیے جب سب ملکرالیکشن لڑیں گے تو یقینی طور پرتحر یک انصاف کی ہی جیت ہوگی ،انہوں نے کہا کہ وزیر اعظم عمران خان واضح طور پرکہہ چکے ہیں کہ پنجاب کے بلدیاتی انتخابات میں پارٹی ٹکٹ میرٹ پر ہی دیئے جائیں گے۔

چوہدری محمدسرور نے کہا کہ کسی کو شک نہیں ہونا چاہیے کہ وزیر اعظم عمران خان نے ہمیشہ اصولی اور نظر یاتی سیاست کی ہے وہ ملک میں آئین وقانون کی حکمرانی پر یقین رکھتے ہیں اور پورے ملک میں یکساں ترقی بھی انکا مشن ہے عوام کو صحت او ر تعلیم جیسی سہولتوں کی فراہمی کے لیے موجودہ حکومت نے جو اقدامات کیے ہیں ماضی میں انکی کوئی اور مثال نہیں ملتی صحت کارڈ اور احساس پروگرام جیسے منصوبے بھی حکومت کی عوام دوستی کا منہ بولتا ثبوت ہے۔

گور نر پنجاب چوہدری محمدسرور نے کہا کہ وزیر اعظم عمران خان کو عوام نے پانچ سال کے لیے حکومت کا مینڈ یٹ دیا ہے عمران خان بطور وزیر اعظم اور تحر یک انصاف کی حکومت آئینی مدت پوری کر یگی اور عام انتخابات بھی اپنے وقت پر ہی ہوں گے۔

چوہدری محمدسرور نے کہا کہ حکومت کی معاشی اور عوامی تر قی کے اقدامات کو سب تسلیم کررہے ہیں عالمی اقتصادی فورم نے بھی پاکستانی اقدامات کا اعتراف کرتے ہوئے کہا کہ تخفیف غربت، یونیورسل ہیلتھ کئیر، ماحولیاتی تحفظ، انسانی وسائل وسرمایہ میں بہتری لائی اوربدعنوانی کے سدباب کیلئے اقدامات کے ضمن میں پاکستان کی حکومت نے قائدانہ کردار اداکیاہے،مختصر اورطویل المیاد پالیسی سازی کے حوالہ سے پاکستان کے سکور میں نمایاں اضافہ ہواہے۔

صوبائی وزرا ڈاکٹر اختر ملک اور حسنین جہانیاں گردیزی نے کہا کہ تحر یک انصاف اپنے کارکنوں کے ساتھ کھڑی ہے اور بلدیاتی انتخابات میں بھی پارٹی کے مضبوط ورکرز کو ٹکٹ دیئے جائیں گے اور بلدیاتی انتخابات کے حوالے سے تمام فیصلے بھی کارکنوں کی مشاورت سے ہی ہوں گے۔