پیٹ کو بڑھنے سے روکنےاور بڑی ہوئی توند اندر کرنے کیلئے کیلا بہتری غذا قرار
یوتھ ویژن نیوز : صحت مند زندگی گزارنے کے لیے پھل بھی اتنے ہی ضروری ہیں جتنی کہ غذا، سب سے عام پھل کیلا ہر عمر کے فرد کا من پسند ہے۔
یہ بھی پڑھیں: اٹلس ہنڈا کے موٹرسائیکلوں کی قیمتوں میں بڑا اضافہ
کیلا فائبر، پوٹاشیم، وٹامن بی 6، وٹامن سی، میگنیشیم اور مینگنیز جیسے ضروری غذائی اجزا کا ایک بہترین ذریعہ ہے۔
تحقیق کے مطابق فائبر سے بھرپور غذائیں کھانے سے وزن میں 30فیصد تک کمی آسکتی ہے، غذائی اعتبار کے لحاظ سے1عدد کیلے میں روزانہ کی بنیاد پر مطلوبہ فائبر کا 12فیصد فائبر پایا جاتا ہے جو وزن کم کرنے میں مدد فراہم کرتا ہے مگر اس کے ساتھ کیلے میں شوگر، کاربوہائیڈریٹس بھی پائے جاتے ہیں۔
غذائی ماہرین کی جانب سے کیلے کو ناشتے میں استعمال کا مشورہ دیا جاتا ہے، ماہرین کے مطابق توند کم کرنے یا پیٹ کو بڑھنے سے روکنے کے لیے کیلا ایک بہترین ناشتہ ہے مگر اسے خالی پیٹ کھانے کے بجائے دلیے یا دہی کے اوپر گارنش کر کے کھایا جا سکتا ہے۔
یہ بھی پڑھیں: چیف جسٹس کی ممبران اسمبلی کے بارے میں ریمارکس کی وضاحت جاری
گرم پانی اور کیلے میٹابولزم کو تیز کر سکتے ہیں، اس لیے جو کوئی ناشتے میں کیلے کا استعمال کرتا ہے وہ دوپہر اور رات کے کھانے میں ہرچیز کھا سکتا ہے اور پھر بھی وزن کم کر سکتا ہے۔
