اٹلس ہنڈا کے موٹرسائیکلوں کی قیمتوں میں بڑا اضافہ
یوتھ ویژن نیوز: اٹلس ہنڈا نے پاکستانی لوئرمڈل کلاس شہریوں کو ماہ رمضان کا تحفہ موٹرسائیکل کی قیمتوں میں اضافے کی صورت میں پیش کیا ہے ۔
رپورٹ کے مطابق ہنڈا کی جانب سے صارفین پر بڑھتی ہوئی پیداواری لاگت کا بوجھ لاد دیا گیا ہے. نئی قیمتوں کے بعد ہنڈا سی ڈی 70 اسٹینڈرڈ نئی قیمت ایک لاکھ49 ہزار 900 روپے ہوگئی ہے جبکہ ہنڈا سی ڈی 70 ڈریم کی نئی قیمت اضافے کے ساتھ 1 لاکھ 60 ہزار 900روپے ہے۔ ہونڈا پرائڈر 100 سی سی کی قیمت اضافے کے بعد اب 1 لاکھ 97ہزار 900 ہوگی ہے
اسی طرح سی جی 125 کی قیمت اضافے کےبعد اب 2لاکھ 22ہزار900 روپے ہوگی۔ ہنڈا سی جی 125 سپیشل ایڈیشن کی قیمت اضافے کے بعد 2 لاکھ 65ہزار900 روپے ہوگئی ۔ اسی طرح ہنڈا سی بی 125 ایف کی قیمت اضافے کےبعد 3 لاکھ 65 ہزار 900 روپے ہوگی ۔
یہ بھی پڑھیں: لاہورہائیکورٹ نے غداری کےقانون کی شق 124 کو آئین سےمتصادم قراردیدیا
جبکہ ہنڈا سی بی 150 ایف کی قیمت اضافے کے بعد 4لاکھ 58ہزار 900 روپے ہوگئی ہے۔ سی بی 150 ایف سپیشل ایڈیشن اضافے کے بعد 7لاکھ 62ہزار 900 روپے ہوگئی ہے۔
