غیرملکی سفر کونے والے چیکس کے زریعہ ڈالرز کی خریداری کریں گے،عائشہ غوث پاشا

غیرملکی سفرکرنے والوں کیلئے صرف چیکس کے ذریعہ ڈالرز کی خریداری اور زرمبادلہ خریدنے کی حد 5 ہزار سے لیکر 10 ہزار ڈالر تک مقرر کرنے کی پابندی برقرار رہے گی، وزیر مملکت ڈاکٹر عائشہ غوث پاشا

اسلام آباد۔23نومبر (اے پی پی):وزیر مملکت برائے خزانہ ومحصولات ڈاکٹرعائشہ غوث پاشا نے کہاہے کہ ضابطہ جاتی قواعد کو مضبوط کرنے اور معیشت کو دستاویزی بنانے کیلئے غیرملکی سفر کرنے والے شہریوں کیلئے صرف چیکس کے ذریعہ ڈالرز کی خریداری اور زرمبادلہ خریدنے کی حد 5 ہزار سے لیکر 10 ہزار ڈالرتک مقرر کرنے کی پابندیاں برقرار رہیں گی۔انہوں نے یہ بات بدھ کویہاں سینیٹ کی قائمہ کمیٹی برائے خزانہ ومحصولات کے اجلاس میں سینیٹرز کوبریفنگ دیتے ہوئے کہی۔ وزیر مملکت نے کہا کہ حکومت معیشت کو دستاویزی بنانے کیلئے اقدامات کررہی ہے اور ضابطہ جاتی قواعد کو مضبوط کرنے کیلئے غیرملکی سفر کرنے والے شہریوں کیلئے صرف چیکس کے ذریعہ ڈالرز کی خریداری اور زرمبادلہ خریدنے کی حد 5 ہزار سے لیکر 10 ہزار ڈالر تک مقرر کرنے کی پابندیاں برقرار رہیں گی۔انہوں نے بتایا کہ 2 ہزار یا اس سے زیادہ زرمبادلہ کی ترسیل یا فروخت ایکسچینج کمپنیاں صرف صارف کے ذاتی اکاﺅنٹ سے بینک ٹرانسفر یا چیک کے ذریعہ کرنے کی پابند ہے۔ ایک سوال پر وزیر مملکت نے بتایا کہ زرمبادلہ کی غیرضروری ترسیل کو روکنے کیلئے سٹیٹ بینک نے افغانستان کے علاوہ دیگر ممالک کیلئے فی مسافر فی وزٹ 5 ہزار ڈالر تک لے جانے کی حدمقرر کی ہے جبکہ فی مسافر سالانہ حد 30 ہزار ڈالر ہے۔18 سال سے کم عمرکے شہریوں کیلئے فی وزٹ یہ حد 2500 ڈالر اور سالانہ 15 ہزار ڈالر مقرر کی گئی ہے۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com