شعیب ملک اور ثانیہ مرزا کے درمیان علیحدگی کی خبریں دم توڑنے لگیں
یوتھ ویژن نیوز (ویب ڈسک )شعیب ملک اور ثانیہ مرزاکے درمیان طلاق کی خبریں عالمی میڈیا کی زینت بنی ہوئی ہیں ۔عالمی میڈیا بھی شعیب اور ثانیہ کی جوڑی میں علیحدگی کی خبروں کی تصدیق کررہا ہے ۔
بھارتی میڈیا نے بھی ان خبروں کی تصدیق کی ہے کہ شعیب ملک اور ثانیہ مرزا کے درمیان طلاق ہوگئی ہے اور دونوں کے درمیان طلاق کی وجہ بھی عائشہ عمر بنی ہے ،
یہ بھی پڑھیں: نئےسپہ سالارکی تقرری میرٹ پر چاہتا ہوں،عمران خان
عائشہ عمر اور شعیب ملک نے بولڈ فوٹو شوٹ کروایا تھاجس کے بعد انہیں تنقید کا سامنا بھی کرنا پڑا تھا اور کہا جارہا ہے کہ اس فوٹو شوٹ کے بعد دونوں کے درمیان معاشقہ شروع ہوگیا تھا ۔
تاہم ثانیہ مرزا اور شعیب ملک کی جانب سے خبروں کی نہ تصدیق کی گئی اور نہ ہی تردید کی گئی۔
ایسے میں دونوں میں میاں بیوی کے تعلقات کے حوالے سے ایک امید افزا خبر سامنے آئی ہے کہ شعیب ملک اور ثانیہ مرزا اب ایک ساتھ ٹی وی ٹاک شو کی میزبانی کرنے جارہے ہیں، پاکستانی کرکٹر شعیب ملک اور ان کی اہلیہ بھارتی ٹینس کھلاڑی ثانیہ مرزا ایک ٹی وی ٹاک شو کی مل کر میزبانی کریں گے۔ٹاک شو کا نام ’دی مرزا ملک شو‘ رکھا گیا ہے اور یہ پاکستانی چینل اردو فلکس آفیشل پر نشر ہوگا۔