نئےآرمی چیف کی تقرری میرٹ پر چاہتا ہوں،عمران خان
یوتھ ویژن نیوز (مظہر چشتی سے )چیئرمین تحریک انصاف عمران خان کا کہنا ہے کہ میرے مستقبل کے منصوبوں میں پاک فوج تعمیری کردار ادا کرسکتی ہے۔نئے سپہ سالار کی تقرری میرٹ پر چاہتا ہوں۔
برطانوی اخبار سے بات کرتے ہوئے سابق وزیراعظم عمران خان نے سائفر بیانیے کو ماضی کا حصہ قرار دیتے ہوئے کہا کہ میرے خیال میں سازش کا بیانیہ گزر چکا اب وہ پیچھے رہ گیا، میں اب امریکا پر الزامات نہیں لگاتا، واشنگٹن سے باوقار تعلقات چاہتا ہوں
یہ بھی پڑھیں: معاملات بہترکرنےمیں جوادارے موثرہیں ان سےگفتگوچل رہی ہے، صدرمملکت
عمران خان کا کہنا تھا کہ دوبارہ وزیر اعظم بنا تو امریکا سے اچھے تعلقات رکھنا چاہوں گا، یوکرین پر روسی حملے سے ایک روز پہلے دورہ ماسکو بڑی غلطی تھا۔
سابق وزیراعظم نے ایک بار پھر کہا کہ ایسے پاکستان کی قیادت کرنا چاہوں گا جس کے سب خصوصاً امریکا سےاچھے تعلقات ہوں، امریکا سے ’’آقا غلام‘‘ کے تعلق میں امریکا کو نہیں، بلکہ اپنی حکومتوں کو قصور وار مانتا ہوں۔
چیئرمین پی ٹی آئی کا کہنا تھا کہ میرے مستقبل کے منصوبوں میں پاک فوج تعمیری کردار ادا کرسکتی ہے، طاقت کہیں اور ہو تو منتخب حکومت عوامی توقعات پر پورا نہیں اتر سکتی، نئے سپہ سالار کی تقرری/ تقرری میرٹ پر چاہتا ہوں
یہ بھی پڑھیں: ڈیلی میل ہرجانہ کیس:شہبازشریف کو30 ہزارپاؤنڈ ادا کرنے کا حکم