ایک ماہ میں مہنگائی میں ساڑھے4 فیصد سےزائدکا ہوشربااضافہ
یوتھ ویژن نیوز (عمران قذافی سے ) ایک ماہ میں مہنگائی میں ساڑھے 4 فیصد سے زائد کا ہوشربا اضافہ،
اکتوبر 2022 میں مہنگائی کی شرح 26.56 فیصد ریکارڈ، گزشتہ سال اکتوبر میں مہنگائی 9.6 فیصد تھی۔ تفصیلات کے مطابق رواں مالی سال کے چوتھے ماہ، اکتوبر 2022 میں مہنگائی کی شرح کئی دہائیوں کی بلند ترین سطح پر پہنچ گئی۔ وفاقی ادارہ شماریات کی جانب سے اکتوبر کے ماہ کیلئے مہنگائی کی ماہانہ شرح کے حوالے سے اعداد و شمار جاری کیے گئے ہیں۔
یہ بھی پڑھیں: پرانے کرنسی نوٹ 31 دسمبر تک تبدیل کروائے جاسکتے ہیں،اسٹیٹ بینک اعلامیہ
ادارہ شماریات کی رپورٹ کے مطابق ستمبرکے مقابلے اکتوبر میں مہنگائی4.71 فیصد بڑھ گئی، اکتوبر میں مہنگائی بڑھ کر 26.56 فیصد ہوگئی۔ رپورٹ میں بتایا گیا کہ ستمبر2022 میں مہنگائی کی شرح 23.18 فیصد تھی۔ ادارہ شماریات کی رپورٹ کے مطابق اکتوبر میں شہری علاقوں میں مہنگائی میں 4.50فیصد اضافہ ہوا، دیہی علاقوں میں مہنگائی 5.01 فیصد بڑھ کر 29.5 فیصد پر پہنچ گئی۔
اعدادو شمار کے مطابق اکتوبر میں شہری علاقوں میں مہنگائی کی شرح 24.6 فیصد رہی، شہری علاقوں میں اکتوبر میں پیاز 67 اعشاریہ 73 فیصد مہنگی ہوئی۔ ادارہ شماریات نے بتایا کہ گزشتہ ماہ ٹماٹر 40 اعشاریہ 73 فیصد ، تازہ پھل 10 اعشاریہ 98 فیصد ، سبزیاں، چائے، آٹا، خشک میوہ جات اور چکن بھی مہنگے ہوئے جبکہ بجلی چارجز میں 89 اعشاریہ 5 فیصد اضافہ ہوا۔ رپورٹ میں کہا گیا کہ اکتوبرمیں سالانہ بنیاد پر ٹماٹر219 اعشاریہ34 فیصد ، پیاز 154 اعشاریہ 66 فیصد اور کوکنگ آئل 58 فیصد مہنگا ہوا جبکہ آلو، دودھ، آٹا، سبزیاں بھی مہنگی ہوئیں۔
یہ بھی پڑھیں: پاکستان کے ایک اور سینئر صحافی و ٹی وی اینکر پاکستان چھوڑ گئے
مزید بتایا گیا ہے کہ جلد خراب ہونے والی کھانے پینے کی اشیا کے نرخ 67 فیصد تک بڑھ گئے۔رپورٹ کے مطابق اس دوران موٹر فیول کے نرخ 64 فیصد، ہاسنگ، پانی، بجلی اور گیس ساڑھے 9 فیصد بڑھ گئے۔صحت کی سہولیات ساڑھے 13 فیصد جبکہ ایک سال میں تعلیم کے چارجز 11 فیصد تک بڑھ گئے۔ گزشتہ سال کے مقابلے میں ٹرانسپورٹ اور کرایوں میں 52 فیصد تک اضافہ ہوا۔