عوام کے بُری خبر: پٹرول،بجلی اورگیس کی قیمتوں میں مزیداضافے کا امکان

یوتھ ویژن نیوز (عاقب غوری سے ) پٹرول، بجلی اور گیس کی قیمتوں میں مزید اضافے کا امکان ظاہر کیا گیا ہے۔ تفصیلات کے مطابق معروف ماہر معیشت اور وزارت خزانہ کے سابق ترجمان مزمل اسلم کی جانب سے دعویٰ کیا گیا ہے کہ وزیر خزانہ اسحاق ڈار کا سافٹ ویئر اپ ڈیٹ ہو گیا ہے۔

یہ بھی پڑھیں: سوات میں بدامنی کیخلاف لوگ سڑکوں پرنکل آئے

ٹوئٹر پر جاری کی گئی ویڈیو میں ماہر معیشت مزمل اسلم نے کہا کہ وزیر خزانہ کہہ رہے تھے کہ وہ آئی ایم ایف کے ڈیل کر لیں گے، ہمیں سب کچھ آئی ایم ایف کی مرضی کے مطابق کرنے کی ضرورت نہیں ہے۔
تاہم اب اسحاق ڈار کا سافٹ ویئر اپ ڈیٹ کر دیا گیا ہے، انہیں آئی ایم ایف کا پیار بھرا پیغام موصول ہو چکا وہ اگلے چند روز میں آئی ایم ایف حکام سے ملاقات کیلئے امریکا بھی جا رہے ہیں، پٹرول، بجلی اور گیس کی قیمتوں میں مزید اضافہ ہونے والا ہے، اسحاق ڈار خود بھی کہہ چکے کہ آئی ایم ایف سے کمٹمنٹ کی گئی ہیں انہیں پورا کیا جائے گا۔

اس سے قبل مفتاح اسماعیل کی جانب سے الزام عائد کیا گیا تھا کہ اسحاق ڈار کے بطور وزیر خزانہ حکومت میں شامل ہوتے ہی آئی ایم ایف معاہدے کی خلاف ورزی ہوئی۔

یہ بھی پڑھیں: 15نومبرسے پہلےفیصلےہوں گےشیخ رشید کا دعوی

سابق وزیر خزانہ اور مسلم لیگ ن کے رہنماء مفتاح اسماعیل نے کہا کہ آئی ایم ایف کو خدشہ تھا کہ پہلی قسط ملنے کے بعد آپ لوگ پیٹرول پر لیوی نہیں لگائیں گے لیکن آئی ایم ایف کو یقین دلایا کہ پیٹرول پر لیوی لگاؤں گا اور تین ماہ پیٹرول پر دس دس اور ڈیزل پر پانچ پانچ روپے لیوی لگائی، اب اسحاق ڈار نے آتے ہی لیوی نہیں بڑھائی، اللہ ہی خیر کرے۔ سابق وزیر خزانہ نے کہا کہ وزیراعظم کے مشیر نے کہا آئی ایم ایف سے پوچھو کیا ہم 3ماہ پیٹرول کی قیمت برقرار رکھ سکتے ہیں؟ جواب دیا کہ مر کر بھی یہ نہیں پوچھوں گا، آئی ایم ایف کی ایم ڈی سے پوچھا کیا ٹیکس برقرار رکھ سکتے ہیں؟ ان کا جواب نہیں آیا اور حکومت نے یکطرفہ فیصلہ کر لیا۔