دوسرا T-20،انگلینڈ کا پاکستان کوجیت کیلئے200رنزکا ہدف
یوتھ ویژن نیوز (عاقب غوری سے ) پاکستان اور انگلینڈ کے درمیان دوسرے ٹی ٹونٹی میچ میں انگلینڈنے پاکستان کو جیت کیلئے 200رنز کا ہدف دیدیا ۔
تفصیلات کے مطابق کراچی کے نیشنل سٹیڈیم میں کھیلے جارہے میچ میں انگلینڈ کے کپتان نے ٹاس جیتا اور پہلے خود ہی بیٹنگ کا فیصلہ کیا۔
یہ بھی پڑھیں: ڈالرآپےسے باہر،تاریخ کی بلند ترین سطح پرپہنچ گیا
انگلینڈ نےمقررہ20 اوورز میں 5وکٹوں کے نقصان پر 199رنز بنائے ۔انگلینڈ کی جانب سےمعین علی نے شاندار بلے بازی کا مظاہرہ کیا ۔ انہوں نے 23گیندوں پر 55رنز بنائے ۔ہیری بروک 31رنز بنا کر پویلین لوٹ گئے جبکہ فل سالٹ 30رنز بنا کر حارث رؤف کی گیندپر بولڈ ہوگئے ،ایلکس ہیلز 26رنز بنا کر چلتے بنے جبکہ بن ڈکٹ 43رنز بنا کر آؤٹ ہوگئے
پاکستان اور انگلینڈ کے درمیان 7 ٹی ٹوئنٹی پر مشتمل سیریز کا دوسرا میچ آج نیشنل اسٹیڈیم کراچی میں کھیلا جا رہا ہے ، انگلینڈ کو سیریز میں ایک صفر کی برتری حاصل ہے۔ 7 ٹی ٹوئنٹی انٹرنیشنل پر مشتمل سیریز کے پہلے میچ میں انگلینڈ نے کامیابی حاصل کی، گرین شرٹس کے بولرز 159 رنز کا ہدف بچانے میں ناکام رہے،مہمان ٹیم کے ایلکس ہیلز اور ہیری بروکس کے سامنے بولرز بے بس دکھائی دیئے۔قومی کپتان بابر اعظم کا کہنا ہے کہ وہ ورلڈ کپ سے پہلے مختلف کامبی نیشن آزمانا چاہتے ہیں، کوشش ہو گی کہ اچھے کھیل کا مظاہرہ کریں۔
