سرکاری وسائل کا استعمال، الیکشن کمیشن نےعمران خان کو طلب کرلیا
یوتھ ویژن نیوز (مبشر بلوچ سے )الیکشن کمیشن آف پاکستان نے انتخابی مہم میں ضابطہ اخلاق کی خلاف ورزی کرنے پر چیئرمین تحریک انصاف عمران خان اور وزیراعلیٰ خیبر پختونخوا محمود خان سمیت دیگر کو نوٹس جاری کر دیا۔
یہ بھی پڑھیں: عمران خان توشہ خانہ کیس میں دستاویزی ثبوت کیساتھ جواب پیش کرینگے،اسدعمر
تفصیلات کے مطابق این اے 24 چارسدہ میں تحریک انصاف کے جلسے میں ضابطہ اخلاق کی خلاف ورزی پر الیکشن کمیشن نے نوٹس لیا۔ الیکشن کمیشن نے کہا کہ تنبیہ کے باوجود وزیراعلیٰ محمود خان نے ضابطہ اخلاق کی خلاف ورزی کی۔
الیکشن کمیشن نے کہا کہ سرکاری وسائل اور ہیلی کاپٹر کا بے دریغ استعمال کیا گیا۔ عمران خان کو بطور امیدوار، وزیراعلیٰ کے پی، وزیر قانون فضل شکور اور مشیر معدنیات عارف کو نوٹس جاری کیا گیا۔
الیکشن کمیشن آف پاکستان کی جانب سے عمران خان اور محمود خان کو منگل 20 ستمبر کو کمیشن کے سامنے پیش ہونے کا حکم بھی دیا گیا ہے۔
یہ بھی پڑھیں: آصف زرداری،نوازشریف اور فضل الرحمٰن الیکشن نہیں روک سکتے،شیخ رشید
ڈسٹرکٹ مانیٹرنگ افسر چارسدہ نے کہا ہے کہ تمام امیدواروں کو یکساں ماحول میسر نہیں آرہا۔ انہوں نے نوٹس میں ذاتی طور پر یا وکیل کے ذریعے جواب دینے کی ہدایت کر دی۔
