نئےآرمی چیف کی تقرری کب ہوگی؟وزیردفاع نےسب بتا دیا
یوتھ ویژن نیوز (واصب غوری سے ) وفاقی وزیرِ دفاع خواجہ آصف کا کہنا ہے کہ وزیراعظم شہباز شریف نومبر میں نئے آرمی چیف کا تقرر کریں گے۔
وفاقی وزیرِ دفاع خواجہ آصف نے اسلام آباد میں صحافیوں سے گفتگو کرتے ہوئے کہا کہ اداروں، آرمی چیف کی تعیناتی، آئی ایم ایف کے پروگرام اور سیلاب متاثرین کی امداد کو نشانہ بنایا جارہا ہے۔
یہ بھی پڑھیں: یوکرین جنگ جلد ازجلد ختم کرنا چاہتے ہیں،روسی صدر پیوٹن
انہوں نے کہا کہ عمران خان قومی سلامتی اور قومی وجود پر حملہ کر رہے ہیں، اپنے اقتدار کے لیے وہ ملک کی سلامتی بھی داؤ پر لگا سکتے ہیں، ان کے خلاف قانون اور قاعدے کے مطابق کارروائی ہونی چاہیے۔
خواجہ آصف کا کہنا تھا کہ ملک کو آج جس قدر استحکام کی ضرورت ہے ماضی میں کبھی نہیں رہی، سیلاب کی موجودہ صورت حال میں سیاست کو کچھ دیر کے لیے ایک طرف رکھ دینا چاہیے۔
یہ بھی پڑھیں: کیا پولیس نے شہباز گل سے زبان ریکور کرنی تھی جس سے وہ بولا تھا؟سپریم کورٹ
ان کا مزید کہنا ہے کہ چین نے امید ظاہر کی ہے کہ سی پیک پر کام جلد اور تیزی سے فعال ہو گا۔ وزیر دفاع کا یہ بھی کہنا ہے کہ نومبر میں شہباز شریف آئین کے مطابق نئے آرمی چیف کا تقرر کریں گے، عمران خان کے کہنے سے کیا فرق پڑتا ہے۔
