ایم کیوایم میں عہدوں کے لیئے پھوٹ پڑگئی،رابطہ کمیٹی نےاہم اجلاس طلب کرلیا
یوتھ ویژن نیوز (ویب ڈسک ) ایم کیو ایم پاکستان میں پھوٹ پڑگئی۔
تفصیلات کے مطابق متحدہ قومی موومنٹ پاکستان میں کامران ٹیسوری کی 2018 کے بعد واپسی ہوئی ہے اور انہیں ڈپٹی کنوینر کا عہدہ بھی دیدیا گیا ہے۔ جس کے بعد ایم کیو ایم رابطہ کمیٹی میں تشویش کی لہر دوڑ گئی ہے۔ رابطہ کمیٹی نے اس حوالے سے کل اہم اجلاس طلب کرلیا ہے۔
یہ بھی پڑھیں: عدالت کے فیصلوں پر تنقید توہین کے زمرے میں نہیں آتی،اسلام آباد ہائیکورٹ
ذرائع کا کہنا ہے کہ اجلاس کل شام 5 بجے عارضی مرکز پر طلب کیا گیا اور تمام اراکین کو حاضری یقینی بنانے کی ہدایت کی گئی ہے۔ اجلاس میں کامران ٹیسوری کے معاملے پر اختلافات اور رہنماؤں کی ناراضی پر بھی بات ہوگی اور رابطہ کمیٹی کے ارکان کی جانب سے اپنی رائے خالد مقبول کے سامنے رکھی جائے گی۔
ذرائع نے بتایا ہے کہ ڈپٹی کنوینر کیلئے پارٹی آئین کے تحت دو تہائی اکثریت ضروری ہے۔
یہ بھی پڑھیں: چارلس نے بادشاہ کے تخت پر بیٹھتے ہی پہلاحکم جاری کردیا
یاد رہے کہ رابطہ کمیٹی نے کامران ٹیسوری کو ڈپٹی کنوینر کے عہدے پر بحال کیا تھا جس کے بعد پارٹی میں اختلافات سامنے آئے تھے۔ کامران ٹیسوری اور فاروق ستار کو ایم کیوایم پاکستان کی رابطہ کمیٹی نے 5 فروری 2018 کو دو تہائی اکثریت کے فیصلے سے پارٹی سے نکالا تھا۔
