رہنماء پاکستان تحریک انصاف ملتان شیراز خان گادھی کی صدر پاکستان تحریک انصاف جنوبی پنجاب سینیٹرعون عباس بپی سے ملاقات
ملتان (حمزہ علوی سے) رہنماء پاکستان تحریک انصاف ملتان شیراز خان گادھی کی صدر پاکستان تحریک انصاف جنوبی پنجاب سینیٹر عون عباس بپی سے ملاقات۔ شیراز خان گادھی نےسینیٹر عون عباس بپی کو پاکستان تحریک انصاف جنوبی پنجاب کا صدر بننے پر مبارکباد پیش کی۔۔ روزنامہ یوتھ ویژن سے بات کرتے ہوئے شیراز خان گادھی کا کہنا تھا کہ وزیر اعظم عمران خان نے سینیٹر عون عباس بپی کی شکل میں ایک ورکر کو عزت دے کر جنوبی پنجاب میں تحریک انصاف کو دوبارہ زندہ کر دیا ہے۔ سینیٹر عون عباس بپی پاکستان تحریک انصاف کے دیرینہ کارکن ہیں اور عمران خان کے سچے سپاہی ہیں۔ انکی پارٹی کے لئے شب و روز محنت سب کے سامنے عیاں ہے اور وہ جنوبی پنجاب کے ایک ایک کارکن کو ذاتی طور پر جانتے ہیں۔ انکا مزید کہنا تھا کہ محض 8 ہفتوں میں سینیٹر عون عباس بپی نےجنوبی پنجاب کے 8 مختلف اضلاع میں ورکرز کنونشن کرکے انہوں نے عمران خان کے فیصلے کو درست ثابت کر دیا ہے کہ وہ اس منصب کے لئے انہتائی موذوں اور قابل ترین امیدوار ہیں۔ بلدیاتی انتخابات کے حوالے سے انکا کہنا تھا کہ پارٹی پارلیسی کے مطابق تیاری جاری ہے ۔ انشاء اللہ جنوبی پنجاب پاکستان تحریک انصاف کا قلعہ ثابت ہوگا۔