حکومت رہے گی یا اسمبلیاں تحلیل ہونگی؟، فیصلہ پیر کو ہوگا

اسلام آباد: حکومت رہے گی یا اسمبلیاں تحلیل ہونگی، حکومتی اتحادیوں کا اجلاس پیر کو طلب کرلیا گیا۔ وزیراعظم شہباز شریف پر نوازشریف سمیت بیشتر اتحادیوں کی جانب سے حکومت چھوڑنے کیلئے دباؤ بڑھ رہا ہے، جس کے بعد مسلم لیگ ن نے موجودہ حکومت کے مستقبل کے حوالے سے حتمی مشاورت کیلئے اتحادی جماعتوں کا اجلاس پیر کو طلب کرلیا ہے۔

ذرائع کے مطابق وزیراعظم شہباز شریف نے آصف زرداری کو بھی موجودہ صورتحال پر اعتماد میں لے لیا ہے۔

خیال رہے کہ وزیراعظم شہباز شریف اور سابق صدر آصف علی زرداری کے درمیان لاہور میں اہم ملاقات ہوئی ہے، جس میں مختلف اہم امور پر تبادلہ خیال کیا گیا ہے۔

ذرائع کا کہنا ہے کہ ملاقات کے دوران پی ٹی آئی کے اگلے لائحہ عمل اسلام آباد لانگ مارچ کے حوالے سے بھی گفتگو کی گئی اور انتخابی اصلاحات سمیت دیگر امور بھی زیر غور آئے۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com