وزیراعظم سے آرمی چیف کی اہم ملاقات، ملکی سلامتی اور سیکیورٹی پر تبادلہ خیال

اسلام آباد:( ثاقب ابراہیم غوری سے ) وزیراعظم عمران خان اور چیف آف آرمی اسٹاف جنرل قمر جاوید باجوہ نے ملک کی سلامتی، سیکیورٹی اور امن و امان کی صورتحال پرتبادلہ خیال کیا ہے۔

یوتھ ویژن نیوز نے ذرائع سے بتایا ہے کہ وزیراعظم اور آرمی چیف کے درمیان اہم ملاقات ہوئی ہے۔

ذرائع کے مطابق وزیراعظم عمران خان سے آرمی چیف جنرل قمر جاوید باجوہ کی ملاقات وزیراعظم ہاؤس میں ہوئی ہے۔

ذرائع کے مطابق ملاقات میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو ہوئی۔

اس سے قبل 14 فروری کو بھی وزیراعظم اور آرمی چیف کی ون آن ون ملاقات ہوئی تھی جس میں قومی سلامتی اور علاقائی صورتحال پر تبادلہ خیال ہوا تھا۔

طے شدہ شیڈول کے مطابق وزیراعظم عمران خان اب سے کچھ دیر بعد قوم سے خطاب کرنے والے ہیں