منڈی بہاؤ الدین کے عوام دل و جان سے تحریک انصاف کیساتھ ہیں اور رہیں گے:وزیراعلیٰ عثمان بزدار کا کامیاب جلسہ پر اظہار تشکر

لاہور(محمد ذوہیب سے ):وزیراعلیٰ پنجاب سردار عثمان بزدارنے پاکستان تحریک انصاف کے کامیاب جلسہ پر منڈی بہاؤالدین کے عوام سے اظہار تشکرکرتے ہوئے کہاہے کہ منڈی بہاؤ الدین کے عوام نے ایک بار پھر ثابت کیا ہے کہ وہ دل و جان سے تحریک انصاف کے ساتھ ہیں اور رہیں گے۔وزیراعلیٰ نے کہا کہ میں کامیاب جلسے پر تحریک انصاف کے پارلیمنٹرینز، ٹکٹ ہولڈرز اورکارکنوں کو مبارکباد دیتا ہوں۔آج کے جلسے نے ثابت کردیا کہ منڈی بہاؤالدین تحریک انصاف کامضبوط قلعہ ہے۔وزیراعظم عمران خان کے ساتھ منڈی بہاؤالدین سمیت پنجاب کے عوام دلی محبت اورلگاؤ رکھتے ہیں۔انہوں نے کہا کہ عوام کا ٹھاٹھیں مارتا سمندر اپوزیشن کی آنکھیں کھولنے کیلئے کافی ہے۔تحریک انصاف کے پہلے ہی جلسے نے اپوزیشن کو دیوار کے ساتھ لگا دیا ہے۔ساری اپوزیشن مل کر بھی آج کے جلسے سے آدھے لوگ بھی جمع نہیں کرسکتی۔وزیراعظم عمران خان کی قیادت میں تحریک انصاف کل بھی مقبول ترین جماعت تھی،ہے اورآئندہ بھی رہے گی۔