نہم سائنس گروپ کے سالانہ امتحانات 2021 کے نتائج کا اعلان
کراچی(علی رضا غوری سے ) کراچی بورڈ کی جانب سے نہم سائنس گروپ کے سالانہ امتحانات 2021 کے نتائج کا اعلان کردیا گیا۔
تفصیلات کے مطابق کراچی بورڈ نے نہم سائنس گروپ کے سالانہ امتحانات برائے سال2021کے نتائج کا اعلان کر دیا ہے، اس سال تقریباً 153417 طلباء و طالبات امتحانات میں شریک ہوئے، کامیابی کا تناسب 95.13 فیصد رہا، سائنس گروپ میں 157255 طلباء و طالبات رجسٹر ڈ ہوئے جن میں سے 153417طلباء وطالبات امتحانات میں شریک ہوئے۔
امتحانات میں شامل ہونے والوں میں 82143 طلباء اور71274 طالبات شریک ہوئیں، غیر حاضر طلباء و طالبات کی تعداد 3838 رہی۔ تمام پرچوں میں کامیاب طلباء و طالبات کی تعداد 145949رہی اور کامیابی کا تناسب 95.13 فیصد رہا۔ اسی طرح1پرچہ میں 917۔2 پرچہ میں 86۔ 3 پرچہ میں 347طلباء وطالبات ناکام ہوئے ہیں، تمام پرچوں میں 6118 طلباء و طالبات فیل قرار پائے۔