گندے اور زہریلے سیوریج کے پانی سے سینکڑوں ایکڑ سبزیوں کی کاشت کا سلسلہ جاری،لوگ موذی امراض میں مبتلا ہونے لگے
بہاول پور( عمران قذافی سے ) بہاولپور گندے اور زہریلے سیوریج کے پانی سے سینکڑوں ایکڑ سبزیوں کی کاشت کا سلسلہ جاری،لوگ موذی امراض میں مبتلا ہونے لگے،لوگوں کی زندگیاں داو پر لگ گئیں،فوڈ اتھارٹی اور ضلعی انتظامیہ خاموش تماشائی،فوری کاروائی کا مطالبہ۔تفصیل کے مطابق تھانہ صدر کی حدود غریب آباد موضع بندرہ میں سینکڑوں ایکڑ زرعی زمین پر گندے نالا سیوریج ٹرمینل سے سبزیوں کی کاشت عرصہ دراز سے بدستور جاری ہے گندے زہریلے سیوریج کے پانی سے کاشت شدہ سبزیوں کی شہر بھر میں سپلائی کی جا رہی ہے جس سے عوام ہیپاٹائٹس بی سی سمیت موذی امراض میں مبتلا ہو رہے ہیں،لوگوں کی زندگیاں داو پر لگ چکی ہیں کوئی پوچھنے والا ہی نہیں جبکہ پنجاب فوڈ اتھارٹی بہاولپور اور ضلعی انتظامیہ خاموش تماشائی بنے ہوئے ہیں ۔بہاولپور کے شہریوں نے وزیر اعلی پنجاب اور کمشنر بہاولپور سے گندے پانی سے کاشت شدہ سبزیوں کو فوری تلف کرنے اور ذمہ داران کے خلاف سخت کارروائی کا مطالبہ کیا ہے۔