سلمان خان کو سانپ نے کاٹ لیا

ممبئی: (ویب ڈسک )بالی ووڈ کے دبنگ اداکار سلمان خان کو سانپ نے کاٹ لیا۔

بھارتی میڈیا کے مطابق سلمان خان کو ان کے پنویل کے فارم ہاؤس میں اتوار کی صبح کے اوقات میں سانپ نے کاٹ لیا۔ جس کے بعد انہیں فوراً نوی ممبئی کے ایک نجی اسپتال منتقل کیا گیا۔

خوش قسمتی سے سلو میاں کو کاٹنے والا سانپ زہریلا نہیں تھا۔ علاج کے بعد سلمان خان کو اسپتال سے ڈسچارج کردیا گیا اور اس وقت بالی ووڈ اسٹار گھر میں آرام کررہے ہیں۔

سلمان خان جن کی کل 56 ویں سالگرہ ہے اس وقت اپنے فارم ہاؤس میں ہیں۔ ایسا لگ رہا ہے کہ سانپ کے کاٹنے کا واقعہ ان کے فارم ہاؤس کے گارڈن میں پیش آیا۔ سلمان خان کا فارم ہاؤس بہت بڑا اور جنگل کے علاقے میں واقع ہے جس میں بہت سارے جانور، نباتات اور پرندے وغیرہ بھی ہیں۔