ایران کی دفاعی فیکٹری پر رات گئے ڈرون حملہ
یوتھ ویژن نیوز ( ویب ڈسک )بم بردار ڈرون نے رات کو وسطی شہر اصفہان میں ایک ایرانی دفاعی فیکٹری کو نشانہ بنایا۔ حکام نے پلانٹ نقصان پہنچنے کاانکشاف کردیا۔
ایرانی وزارت دفاع نے اس بارے میں کوئی معلومات فراہم نہیں کیں کہ یہ حملہ کس نے کیا ہے، جو ملک کے شمال مغرب میں ایک ریفائنری میں الگ سے آگ لگنے کے بعد آیا ۔
یہ بھی پڑھیں: ایران میں زلزلے سے 3 افراد ہلاک، 820 زخمی
ایران کا کہنا ہے کہ اس نے حملے کو پسپا کر دیا تھا۔ وزارت دفاع کے ورکشاپ کمپلیکس میں سے ایک پر (ڈرون) کا استعمال کرتے ہوئے ایک ناکام حملہ کیا گیا، ہفتے کی رات دیر گئے اس حملے سے عمارت کی چھت کو صرف معمولی نقصان پہنچا لیکن کوئی جانی نقصان نہیں ہوا۔
اس حملے کا اعلان ایک ایسے وقت میں سامنے آیا ہے جب ایران میں مہسا امینی کی ہلاکت کے خلاف مظاہرے جاری ہیں، اس کے جوہری پروگرام پر تناؤ ہے اور بعض ممالک کی جانب سے الزام ہے کہ تہران روس کو یوکرین جنگ کے لیے ڈرون فراہم کر رہا ہے۔
یہ بھی پرھیں: بڑھاپا اب ماضی کا قصہ ہوگا؟،سائنسدانوں کی تحقیق
وزارت دفاع نے کہا کہ ڈرون میں سے ایک کو سائٹ کے طیارہ شکن دفاعی نظام نے تباہ کر دیا، جب کہ دو پھٹ گئے۔ ‘یہ حملہ جو رات 11:30 بجے کے قریب ہوا، اس سے کمپلیکس کے آپریشن میں کسی قسم کی رکاوٹ پیدا نہیں ہوئی۔’