کرکٹ تیز ترین: T-10 ٹورنامنٹ کرانے کا اعلان
یوتھ ویژن نیوز (مبشر بلوچ سے )کرکٹ کا تیز ترین فارمیٹ ٹی 10 اپنے سری لنکا میں قدم رکھ رہا ہے اور اس نے لنکا ٹی10 لیگ کے نام سے ٹورنامنٹ کرانے اعلان کردیا ہے۔
توقع کی جارہی ہے کہ یہ شائقین کی بڑی تعداد کو اپنی جانب متوجہ کرے گا۔ سری لنکا میں ٹی 10 کے سفر کا آغاز کا باضابطہ اعلان سری لنکا کرکٹ کے اعزازی صدر شمی سلوا اور اعزازی سکریٹری موہن ڈی سلوا نے کیا اس موقع پر ٹی 10 گلوبل اسپورٹس کے چیئرمین شجیع الملک اور ٹی 10گلوبل اسپورٹس کے سی او او راجیو کھنہ بھی موجود تھے۔
یہ بھی پڑھیں: آرمی چیف کےاہل خانہ کا ٹیکس ریکارڈ لیک،وزیر خرانہ اسحاق ڈار نے نوٹس لے لیا
سری لنکا کرکٹ کے اعزازی صدر جناب شمی سلوا نے کہا کہ سری لنکا میں تیز ترین کرکٹ مقابلہ کا تعارف یقینی طور پر ہمارے کرکٹ کیلنڈر میں ایک بہت بڑا اضافہ ہے ، اور ہم کھیل کے آگے کے سفر کا حصہ بننے پر خوش ہیں اور میں اس پر ٹی 10 گلوبل اسپورٹس کے کردار کی تعریف کرنا چاہتا ہوں۔
ٹی 10 گلوبل اسپورٹس کے چیئرمین شجیع الملک نے کہا کہ ہم کرکٹ میں دنیا کے تیز ترین فارمیٹ کا سری لنکا میں لنکا ٹی 10 لیگ کے نام سے آغاز کرتے ہوئے خوشی محسوس کررہے ہیں جواس فارمیٹ کو شروع کرنے والا پہلا فل بورڈ رکن ہے جو ایک تاریخی قدم ہے۔ سری لنکن کرکٹ بورڈ نے ٹی 10 کے 2017 میں قیام کے بعد سے ہمیشہ ٹی 10 کی حمایت کی ہے اور ہم اس شراکت داری کو مزید آگے بڑھانے کے منتظر ہیں
یہ بھی پڑھیں: کسی اور سے شادی کرنے پر لڑکے نےگرل فرینڈ کی لاش کے35 ٹکڑے کر دیے
