آئی ایم ایف نے2023 میں دنیا میں کساد بازاری کا خدشہ ظاہرکردیا
یوتھ ویژن نیوز(عاقب غوری سے ) آئی ایم ایف نے2023 میں دنیا میں کساد بازاری کا خدشہ ظاہر کردیا ہے،
آئی ایم ایف نے ورلڈ اکنامک آؤٹ لُک رپورٹ میں کہا کہ برے دن ابھی آنے ہیں، امریکا، چین اور یورپ کی معیشتیں انجماد کا شکار رہنے کا خدشہ ہے، روس یوکرین جنگ کی وجہ سے یورپ کیلئے موسم سرما بدترین ہوگا۔ میڈیا رپورٹس کے مطابق آئی ایم ایف نے ورلڈ اکنامک آؤٹ لُک رپورٹ میں کہا کہ برے دن ابھی آنے ہیں، امریکا، چین اور یورپ کی معیشتیں انجماد کا شکار رہنے کا خدشہ ہے، روس یوکرین جنگ کی وجہ سے یورپ کیلئے موسم سرما بدترین ہوگا۔
سماء نیوز کے مطابق آئی ایم ایف کی ورلڈ اکنامک آؤٹ لُک رپورٹ میں کہا گیا کہ پاکستان میں مہنگائی کی شرح 19.9فیصد تک رہنے کا امکان ہے، پاکستان میں مہنگائی بے روزگاری بڑھنے کا خدشہ ہے، اس سال بے روزگاری کی شرح 6.2 سے بڑھ کر 6.4 فیصد تک جاسکتی ہے۔
یہ بھی پڑھیں: شہبازشریف سے چوہدری شجاعت کی ملاقات،یکجاں ہوکرکام کرنےپراتفاق
پاکستان کے کرنٹ اکاؤنٹ خسارے میں کمی کا امکان ہے، کرنٹ اکاؤنٹ خسارہ 4.6 فیصد سے کم ہوکر 2.5 فیصد تک محدود رہے گا۔
رپورٹ میں مزید کہا گیا کہ آئی ایم ایف نے رواں سال پاکستان کی معاشی شرح نمو 3.5 فیصد رہنے کی پیشگوئی کی ہے، گزشتہ مالی سال جی ڈی پی گروتھ 6 فیصد رہی تھی۔ 06 اکتوبر کو عالمی بینک نے بھی رواں سال مہنگائی میں اضافے اور شرح نمو میں کمی کی پیشگوئی کی،عالمی بینک نے پاکستان ڈویلپمنٹ اپ ڈیٹ رپورٹ میں بتایا کہ رواں سال معاشی شرح نمو 2 فیصد رہنے کا تخمینہ ہے، عالمی بینک نے آئندہ سال شرح نمو 3.2 فیصد پر پہنچنے کا تخمینہ ہے۔
رواں سال مہنگائی کی شرح 23 فیصد رہنے کا امکان ہے، بجلی مہنگی اور روپے کی قدر گرنے سے مہنگائی میں اضافہ ہوا۔پاکستان میں حالیہ سیلاب کے باعث بھی مہنگائی پر اثرات پڑے ہیں، حالیہ سیلاب کے باعث معاشی سرگرمیاں متاثر ہونے کا امکان ہے۔دوسری جانب وفاقی وزیر خزانہ اسحاق ڈار کا کہنا ہے کہ موڈیز کی ریٹنگ سے گھبرائیں نہیں، کل بات ہوئی ہے، موڈیز سے کہا ہے کہ گنجائش نکالیں ورنہ اگلے ہفتے ملاقات ہے جواب دوں گا۔
یہ بھی پڑھیں: یوکرین جنگ میں شدت،کئی شہروں میں خطرے کےسائرن بجنے لگے
