روزنامہ یوتھ ویژن کی جانب سے تمام اہل اسلام کو دل کی اتہا گہرائیوں سے عیدالفطر 2024 مبارک ہو اسلامیہ یونیورسٹی بہاول پور کے زیر اہتمام دسویں بین الاقوامی سیرت النبی ﷺکانفرنس کا انِقعاد وہیل چیئر ایشیا کپ: سری لنکن ٹیم کی فتح حکومت کا نیب ترمیمی بل کیس کے فیصلے پر نظرثانی اور اپیل کرنے کا فیصلہ واٹس ایپ کا ایک نیا AI پر مبنی فیچر سامنے آگیا ۔ جناح اسپتال میں 34 سالہ شخص کی پہلی کامیاب روبوٹک سرجری پی ایس او اور پی آئی اے کے درمیان اہم مذاکراتی پیش رفت۔ تحریِک انصاف کی اہم شخصیات سیاست چھوڑ گئ- قومی بچت کا سرٹیفکیٹ CDNS کا ٹاسک مکمل ۔ سپریم کورٹ پریکٹس اینڈ پروسیجر ایکٹ کے خلاف دائر درخواستوں پر آج سماعت ہو گی ۔ نائیجیریا ایک بے قابو خناق کی وبا کا سامنا کر رہا ہے۔ انڈونیشیا میں پہلی ’بلٹ ٹرین‘ نے سروس شروع کر دی ہے۔ وزیر اعظم نے لیفٹیننٹ جنرل منیرافسر کوبطورچیئرمین نادرا تقرر کرنے منظوری دے دی  ترکی کے دارالحکومت انقرہ میں وزارت داخلہ کے قریب خودکش حملہ- سونے کی قیمت میں 36 ہزار روپے تک گر گئی۔ آئی ایس پی آر نے10 اپریل کوبہاولنگر میں پیش آنے والے واقعے کی انکوائری کا مطالبہ کر دیا وفاقی حکومت نے ترقی کو تیز کرنے کے لیے بینک فنانسنگ کے لیے زراعت، چھوٹے اور درمیانے درجے کے کاروباری اداروں (SMEs) اور انفارمیشن ٹیکنالوجی (IT) جیسے شعبوں کو ترجیح دی ہے2024 ایشیائی ترقیاتی بینک نے رواں مالی سال 2024 کی رپورٹ شائع کردی بھارتی عدالت نے کرپشن کیس میں دہلی کے 55 سالہ وزیراعلیٰ کیجریوال کی گرفتاری کو چیلنج کرنے والی درخواست مسترد کر دی۔ عیدالفطر2024 میں کراچی والوں کو عید کے روز بھی پانی کے بحران سے کوئی چھٹکارا نہ مل سکا سال 2024 میں غیرمتوقع اسٹرابیری کی فصل نے برکینا فاسو کا ‘سرخ سونا’ گھمایا وزیر اعظم شہباز اور ولی عہد سلمان نے پاکستان میں 5 ارب ڈالر کی سعودی سرمایہ کاری کو تیز کرنے پر اتفاق کیا ہے۔ سال 2024 کا وزیراعظم محمد شہباز شریف کا اپنے وفد کے ہمراہ عمرے کی ادائیگی لاہور ہائیکورٹ کے جج سے بدتمیزی پر وکیل کو 6 ماہ قید کے ساتھ 1،00،000جرمانہ ک سزا کا حکم

یوکرین جنگ میں شدت،کئی شہروں میں خطرے کےسائرن بجنے لگے

یوتھ ویژن نیوز( ثاقب غوری سے ) یوکرین جنگ میں شدت، کئی شہروں میں خطرے کے سائرن بجنے لگے
یوکرین کے متعدد شہروں میں خطرے کے سائرن بجائے جانے اور روسی حملوں میں شدت کی خبریں موصول ہوئی ہیں۔ اس سے پہلے روس نے کہا تھا کہ اس نے پیر کو یوکرین کے بہت سے فوجی اہداف کو نشانہ بنا کر انہیں تباہ کردیا ہے۔

مقامی میڈیا رپورٹوں کے مطابق یوکرین کے دارالحکومت کیف اور اس کے نواحی شہروں پر گزشتہ روز ہونے والے میزائل حملوں کے بعد منگل کے روز بھی کیف اور بعض دوسرے شہروں میں خطرے کے سائرن بجائے جا رہے ہیں۔
زاپوریژیا کے علاقے میں یوکرین کی فوجی تنصیبات اور گوداموں پر روسی میزائل حملوں کے بعد متعدد دھماکے سنائی دینے کی خبریں ملی ہیں۔

یہ بھی پڑھیں: وفاقی کابینہ نےفیملی ویزٹ ویزاکی میعاد میں توسیع کی منظوری دے دی

رشیا ٹوڈے چینل نے یوکرینی حکام کے حوالے سے بتایا ہے کہ لادی ژنسکایا تھرمل بجلی گھر کو ڈرون حملے کا نشانہ بنایا گیا ہے۔
نیوز ایجنسی ریا نووستی نے بھی مقامی ذرائع کے حوالے سے اودیسا شہر میں دھماکوں کی خبر دی ہے۔ جبکہ اسپوتنک نیوز نے مقامی میڈیا کے حوالے سے بتایا ہے کہ وینتسا کے علاقے میں بھی کئی دھماکے ہوئے ہیں۔
روس کی وزارت دفاع کے ترجمان ایگور کوناشنکوف نے کہا ہے کہ پل کریمیا پر حملے کا جواب دیتے ہوئے روسی فوج نے یوکرین کے تقریبا تمام فوجی اہداف کو اپنے حملوں کا نشانہ بنایا ہے۔
دوسری جانب اطلاعات ہیں کہ یوکرین پر روس کے فضائی حملوں میں شدت کے بعد برطانوی وزیراعظم نیٹو کا ہنگامی سربراہی اجلاس بلانے کی اپیل کرنے والی ہیں ۔
لندن سے جاری ہونے والے بیان میں کہا گیا ہے کہ وزیراعظم لزٹریس نیٹو کا سربراہی اجلاس بلانے کی تجویز جی سیون کے اجلاس میں پیش کریں گی جو آج ہورہا ہے ۔
آن لائن ہونے والے اجلاس میں یوکرین کے صدر ولودی میر زیلنسکی کو بھی خطاب کی دعوت دی گئی ہے۔
اس سے پہلے برطانوی وزیراعظم نے یوکرین کے صدر سے ٹیلی فون پر بات چیت میں روس کے تازہ حملوں کی مذمت کی اور کیف کے لیے لندن کی حمایت کا بھرپور یقین دلایا ہے۔

یہ بھی پڑھیں: سوات میں بدامنی کیخلاف لوگ سڑکوں پرنکل آئے
برطانیہ کی جانب سے نیٹو کا ہنگامی سربراہی اجلاس بلانے کا مقصد یوکرین پر روسی حملوں میں آنے والی شدت کے خلاف اپنے اتحاد کا اعادہ کرنا بتایا گیا ہے۔
رپورٹوں میں بتایا گیا ہے کہ روس نے پیر کے روز یوکرین پر وسیع حملے کیے ہیں جو جنگ یوکرین کے آغاز سے اب تک کے شدید ترین حملے شمار ہوتے ہیں۔
یہ حملے جزیرہ نمائے کریمیا کو روس سے ملانے والے پل کی تباہی کے بعد کیے گئے ہیں۔
ہفتے کے روز پل کریمیا پر جزیرہ نمائے تامان کی سمت سے آنے والے ایک مال بردار ٹرک میں زور دار دھماکہ ہوا تھا جس کے نتیجے میں کریمیا کے لیے ایندھن لے جانے والی ایک مال گاڑی بھی دھماکے سے تباہ ہوگئی تھی۔
روس نے حکومت یوکرین کو اس حملے کا ذمہ دار قرار دیا ہے۔

50% LikesVS
50% Dislikes

اپنا تبصرہ بھیجیں

WP Twitter Auto Publish Powered By : XYZScripts.com