تحریک انصاف کا شہباز گل کےاغوا کا مقدمہ درج کرانےکا فیصلہ
لاہور(عمران قذافی سے ) پاکستان تحریک انصاف نے شہباز گل کے اغوا کا مقدمہ درج کرانےکا فیصلہ کیا ہے۔
یوتھ ویژن نیوز کے ذرائع کے مطابق چیئرمین پی ٹی آئی اور سابق وزیراعظم عمران خان کی ہدایت پر شہباز گل کے اغوا کا مقدمہ درج کرانےکا فیصلہ کیا گیا ہے۔
یوتھ ویژن نیوز کے ذرائع کا کہنا ہےکہ شہباز گل کے اغوا کا مقدمہ متعلقہ پولیس اسٹیشن میں دائر کرایا جائےگا۔
پی ٹی آئی نے شہباز گل کی گرفتاری کے خلاف اسلام آباد ہائی کورٹ سے بھی رجوع کرنےکا فیصلہ کیا ہے۔اس سلسلہ میں آج ہی درخواست دائرکی جائے گی۔
ذرائع کے مطابق پی ٹی آئی لیگل ٹیم کے رکن فیصل چودھری ایڈووکیٹ درخواست تیار کرنے کے بعد ہائی کورٹ جائیں گے۔
خیال رہےکہ اسلام آباد پولیس نے بغاوت کے مقدمے میں پی ٹی آئی کے رہنما شہباز گل کو گرفتار کرلیا ہے۔ ذرائع کے مطابق شہباز گل کے خلاف تھانہ کوہسار میں مقدمہ غداری کی دفعات کے تحت درج کیا گیا ہے، مقدمہ سٹی مجسٹریٹ کی مدعیت میں درج کیا گیا ہے۔