آرمی چیف کی زیرصدارت کورکمانڈرز کانفرنس، سیکیورٹی صورتحال پر تبادلہ خیال
راولپنڈی ( واصب غوری سے ) پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ کی زیر صدارت 249 ویں کور کمانڈرز کانفرنس کا انعقاد کیا گیا۔ جس میں فورم نے سرحدی اور داخلی سیکیورٹی کا جامع جائزہ لیا۔
آئی ایس پی آر کے مطابق آرمی چیف نے کامیاب انسداد دہشت گردی آپریشنز کی تعریف کی۔ آرمی چیف نے سرحدوں اور عوام کی حفاظت بنانے کے لیے جوانوں کی قربانیوں کو زبردست خراج تحسین پیش کیا۔
آئی ایس پی آر کا کہنا ہے کہ آرمی چیف نے ملک میں سیلاب اور شدید بارشوں سے متاثرہ لوگوں کی مدد کے لیے کی جانے والی امدادی سرگرمیوں کی بھی تعریف کی ہے۔ آرمی چیف نے ریسکیو اور بحالی سرگرمیوں میں سول انتظامیہ کی معاونت کے عزم کا اظہار کیا ہے۔
Load/Hide Comments