اسسٹنٹ کمشنر یزمان شاہد کھوکھر نے علی الصبح سبزی اور فروٹ منڈی یزمان کا اچانک دورہ ، پھلوں اور سبزیوں کی نیلامی کے امور کی نگرانی

بہاول پور: (یاسر ملک سے ) حکومت پنجاب کی ہدایت پر اسسٹنٹ کمشنر یزمان شاہد کھوکھر نے علی الصبح سبزی اور فروٹ منڈی یزمان کا اچانک دورہ کیا جہاں انھوں نے پھلوں اور سبزیوں کی نیلامی کے امور کی نگرانی کی۔ اس موقع پر مارکیٹ کمیٹی کا عملہ موجود تھا۔ اسسٹنٹ کمشنر نے کہا کہ پھل اور سبزیاں مقرر کردہ نرخ پر فروخت کی جائیں۔ انہوں نے کہا گراں فروشی اور ذخیرہ اندوزی کے خلاف کریک ڈاؤن جاری ہے۔ انھوں نے مزید کہا کہ اشیائے خوردونوش کے نرخ نمایاں جگہ آویزاں کیے جائیں تاکہ صارفین کو خریداری کے وقت دشواری کا سامنا نہ ہو۔ انہوں نے فروٹ اینڈ ویجیٹیبل مارکیٹ میں قائم مختلف سٹال چیک کیے اور صفائی کے انتظامات کا معائنہ کیا۔