چیئرمین میونسپل کمیٹی میاں اعجازعامر کا شہر کو خوبصورت اور صاف ستھرا بنانے کا مشن
رحیم یارخان (شمیل مرزا سے ) چیئرمین میونسپل کمیٹی میاں اعجازعامر کا شہر کو خوبصورت اور صاف ستھرا بنانے کا مشن جاری‘ چوک اڈا خانپور‘ سٹی پل‘ عباسیہ پل‘ سٹی چوک کے بعد اب دعا چوک کو خوبصورت بنانے کیلئے تزئین وآرائش کا کام شروع کیا جائے گا۔ گذشتہ روز چیئرمین میونسپل کمیٹی میاں اعجازعامر نے دعا چوک کا جائزہ لیا اور موقع پر کونسلرز اور افسران کے ساتھ مشاورت کے بعد دعا چوک کو مزید خوبصورت بنانے کیلئے تزئین وآرائش کے حوالے سے ہدایات دیں۔ اس موقع پر چیئرمین سینی ٹیشن کمیٹی عمرحمیدچوہدری‘ کونسلرز عبدالوحید بھٹی‘رانا ضیاء الدین آصف ودیگر بھی موجود تھے۔دوسری جانب شہریوں کی جانب سے چیئرمین میونسپل کمیٹی میاں اعجازعامر کے شہر کو خوبصورت بنانے اور صحت وصفائی کے حوالے سے اقدامات کو بھی سراہا جارہا ہے۔ شہریوں کا کہنا ہے کہ میونسپل کمیٹی کے پاس وسائل بھی وہی ہیں اور عملہ ومشینری بھی وہی ہے لیکن پہلے کی نسبت اب شہر میں صحت وصفائی اور خوبصورتی کے حوالے سے واضح تبدیلی نظر آرہی ہے۔شہریوں نے کہا کہ میاں اعجازعامر کا شہر کو بہتر سے بہتراور خوبصورت سے خوبصورت تر بنانے کا ویژن ہے جس کیلئے وہ کام کرنے کی صلاحیت بھی رکھتے ہیں اور ان کا تجربہ بھی ہے‘ یہی وجہ ہے کہ اب شہریوں کے مسائل حل ہورہے ہیں اور شہر خوبصورت نظر آرہا ہے۔