مریم نوازنے 4 حمزہ شہباز اورعطا تارڑ نے3حلقوں کیلئے کاغذات نامزدگی جمع کروا دیے
یوتھ ویژن نیوز : پاکستان مسلم لیگ ن کی چیف آرگنازئر مریم نواز نے صوبائی اسمبلی کے 4حلقوں کے لئے کاغذات نامزدگی جمع کروا دیئے ہیں ۔
رپورٹ کے مطابق مسلم لیگ ن کی چیف آرگنازئر مریم نواز نے پنجاب کے دو حلقوں سے انتخابات میں حصہ لینے کے لئے اپنے کاغذات نامزدگی جمع کرادیئے ہیں۔ مریم نواز نے حلقہ پی پی 173 لاہور سے کاغذات نامزدگی ایڈووکیٹ محمد اسماعیل کے ذریعے جمع کروائے اور ڈپٹی ڈائریکٹر آفتاب احمد انصاری نے کاغذات نامزدگی وصول کئے۔ مریم نواز نے لاہور کے حلقہ پی پی 149 سے بھی اپنے کاغذات نامزدگی جمع کروا دئیے ہیں۔ مریم نواز کے کاغذات نامزدگی ملک لیاقت اعوان ایڈوکیٹ اور کنول لیاقت ایڈووکیٹ نے جمع کروائے ہیں اور یہاں پر مریم نواز کے تائید کنندہ میں ایم شہباز بھٹی،عامر رضا، میاں مبشر، عاشق سلہری اور خرم مغل شامل ہیں۔
پی پی 158 سے بھی مریم نواز نے کاغذات نامزدگی جمع کروا دیے ہیں۔ مریم نواز کے پی پی 158 کے کاغذات نامزدگی میں محمد یونس عدیل اور سعید الحسن تجویز کنندہ اور تائید کنندہ تھے۔ چیف آرگنائزر پاکستان مسلم لیگ ن مریم نواز شریف نے لاہور سے PP-149, PP-173, PP-158 اور گوجرانولہ PP-63 سے کاغذات نامزدگی جمع کروا دیے ہیں۔ پاکستان مسلم لیگ ن کے رہنما حمزہ شہباز تینوں حلقوں سے الیکشن میں حصہ لیں گے ۔ حمزہ شہباز نے لاہور کے 3 حلقوں سے کاغذات نامزدگی جمع کروادئیےہیں۔ حمزہ شہباز نے پی پی14، پی پی147،پی پی163 سے کاغذات نامزدگی جمع کروائے ہیں۔
مسلم لیگ ن کے رہنما عطاء تارڑ بھی لاہور سے الیکشن لڑیں گے ۔پاکستان مسلم لیگ ن کے رہنما عطا تارڑ لاہور کے تین صوبائی حلقوں میں کاغذات نامزدگی جمع کروائے جائیں گے۔عطاء تارڑ صوبائی اسمبلی کے حلقہ 163 ،158 اور 144 سے اپنے کاغذات نامزدگی جمع کروائیں گے ۔
