وزیر اعلی پنجاب یونیورسٹیوں کے ملازمین کے لئے مہربان، خصوصی الاوئنسز میں اضافہ
زیراعلیٰ عثمان بزدار سے یونیورسٹیز کے وائس چانسلرز کی ملاقات، ملازمین واساتذہ کیلئے خصوصی الاؤنس کی اصولی منظوری
یونیورسٹیز کے دیگر معاملات کو بھی بہتر بنائیں گے،پنجاب میں سمارٹ یونیورسٹی کے منصوبے پر کام جاری:عثمان بزدار
لاہور20 اکتوبر:وزیراعلیٰ پنجاب سردار عثمان بزدار سے یونیورسٹیز کے وائس چانسلرزکے وفدنے ملاقات کی۔وزیر اعلیٰ عثمان بزدار نے یونیورسٹیز سے متعلقہ مسائل ترجیحی بنیادوں پر حل کرنے کی یقین دہانی کرائی۔وزیراعلیٰ عثمان بزدار نے کہا کہ عید میلادالنبیؐ کے پرمسرت موقع کی مناسبت سے یونیورسٹیز کے ملازمین او راساتذہ کے لئے ڈسپیرٹی ریڈیکشن الاؤنس(Disparity Reduction) کی اصولی منظوری دینے کا اعلان کرتا ہوں – الاؤنس کے حوالے محکمہ خزانہ کو ہدایات جاری کر دی گئی ہیں -انہوں نے کہا کہ یونیورسٹیز کے دیگر معاملات کو بھی بہتر بنائیں گے- پنجاب میں سمارٹ یونیورسٹی کے منصوبے پر بھی کام کر رہے ہیں – ہر ضلع میں معیاری یونیورسٹی کا قیام ہمارا مشن ہے -انہوں نے کہا کہ رحمت اللعالمین ؐ کی ذات اقدس پر ریسرچ کے لئے 6 یونیورسٹیز میں سیرت چیئرز قائم کر دی ہیں – سیرت چیئرز کا دائرہ کار مزید بڑھائیں گے- انہوں نے کہا کہ ہائرایجوکیشن پر پورا فوکس ہے-پنجاب حکومت اعلی تعلیم کے فروغ کے لئے آپ کو پورا سپورٹ کرے گی- وزیر اعلی سے ملاقات کرنے والوں میں وائس چانسلر پنجاب یونیورسٹی لاہور پروفیسر ڈاکٹر نیاز اختر، وائس چانسلر یونیورسٹی آف سرگودھا پروفیسر ڈاکٹر محمد سلیم مظہر، وائس چانسلر پنجاب تیانجن یونیورسٹی آف ٹیکنالوجی لاہور پروفیسر ڈاکٹر عبدالستار شاکر، وائس چانسلر میر چاکر خان رند یونیورسٹی اوکاڑہ ڈاکٹر محمود سلیم اور وائس چانسلر ایمرسن یونیورسٹی ملتان ڈاکٹر نوید اے چودھری شامل تھے۔صوبائی وزیر ہائر ایجوکیشن راجہ یاسر ہمایوں، معاون خصوصی برائے اطلاعات حسان خاور، سیکرٹری خزانہ، سیکرٹری ہائر ایجوکیشن، رجسٹرار پنجاب یونیورسٹی لاہور، رجسٹرار یونیورسٹی آف انجینئرنگ اینڈ ٹیکنالوجی ٹیکسلا اور متعلقہ حکام بھی اس موقع پر موجود تھے
