بھاولپور:یوم آزادی پرناظم انڈسٹریزکےتعاون سےدریائےستلج کےقریب پہلا میاواکی جنگل لگانے کا افتاح کر دیا گیا
یوتھ ویژن نیوز : یوم آزادی پاکستان کے موقع پر ڈپٹی کمشنر ظہیر انور جپہ نے ستلج پل کے قریب پارکس اینڈ ہارٹیکلچر اتھارٹی، محکمہ ماحولیات اور ناظم انڈسٹریز کے تعاون سے پودا لگا کر بہاول پور میں میاواکی جنگل لگانے کا افتتاح کیا۔
اس موقع ایڈیشنل ڈپٹی کمشنر ریونیو محمد سرور، ڈائریکٹر جنرل پارکس اینڈ ہارٹیکلچر اتھارٹی روبینہ اقبال عباسی، اسسٹنٹ کمشنر مجاہد عباس،اسسٹنٹ ڈائریکٹر پی ایچ اے و فوکل پرسن برائے میاواکی رانا مسرور، اسسٹنٹ ڈائریکٹر ماحولیات انصر عباس، ناظم انڈسٹریز کے ملک اعجاز ناظم، صدر چیمبر آف کامرس چوہدری ذوالفقار احمد مان، سابق صدر چوہدری عبدالجبار، ڈی ایف او توسیع شاہد حمید، اراکین چیمبرز و عہدہ داران، سول سوسائٹی کے ممبران، محکموں کے افسران و اسٹاف نے پودے لگائے۔
یہ بھی پڑھیں: اسلامیہ یونیورسٹی بھاولپور کےنوجوان طالب علم علی رضا کا اعزاز گھر کی چھت کو قابل استعمال بنا دیا
ڈپٹی کمشنر ظہیر انور جپہ نے اظہار خیال کرتے ہوئے کہا کہ ماحول کو سرسبز و شاداب اور خوبصورت بنانے کے لیے پودے لگاکر میاواکی جنگل بنایا جا رہا ہے۔انہوں نے کہا کہ اس سے یہ خطہ خوبصورت اور صاف ستھرا ہوگا اور درجہ حرارت میں کمی واقع ہوگی۔انہوں نے کہا کہ میا واکی جنگل سے اس خطے کے پودوں کو فروغ ملنے کے ساتھ ساتھ اس خطہ کے پرندے بھی آئیں گے۔اسی طرح فلورا اور فونا کو فروغ حاصل ہوگا۔
ڈپٹی کمشنر نے کہا پودے لگانے کے ساتھ ساتھ ان کی باقاعدہ نگہداشت اور آبیاری پر خصوصی توجہ دی جائے گی۔انہوں نے کہا کہ اس خوبصورت کوشش کو مزید کامیاب بنانے کے لیے سول سوسائٹی کے افراد پودے لگا کراپنا کردار ادا کریں۔اس موقع پر آئے ہوئے افراد نے پودے لگائے۔
ڈی جی پارکس اینڈ ہارٹیکلچر اتھارٹی روبینہ اقبال عباسی نے بتایا کہ ستلج پل کے نزدیک میاواکی جنگل لگایا جارہا ہے جس میں مقامی اقسام کے پودے لگائے جارہے ہیں۔جشن آزادی پاکستان کے موقع پر ہر شخص پودا لگائے