پاکستان سیٹیزن پورٹل پر اندراج شدہ شہریوں کی تعداد 37 لاکھ سے تجاوز کر گئی ، وزیراعظم آفس
اسلام آباد۔ (ثاقب ابراہیم غوری سے ):پاکستان سیٹیزن پورٹل پر شہریوں کی اندراج شدہ تعداد میں ریکارڈ اضافہ ہوا ہے۔ وزیراعظم آفس کے مطابق وزیراعظم ڈیلیوری یونٹ کی جانب سے ماہانہ عداد و شمار جاری کئے گئے ہیں۔ پاکستان سیٹیزن پورٹل پر شہریوں کی تعداد 37 لاکھ سے تجاوز کر گئی ہیں۔
پنجاب سے 22 لاکھ ، خیبر پختونخوا سے 6 لاکھ اور سندھ سے 5 لاکھ شہریوں کا پاکستان سیٹیزن پورٹل پر رجسٹرڈ کیاگیا ہے۔ بلوچستان سے 51 ہزار جبکہ وفاق سے 77ہزار شہری رجسٹرڈ ہو گئے ۔وزیراعظم آفس کے مطابق شہریوں کی جانب سے پاکستان سیٹیزن پورٹل پر 4.4 ملین شکایات درج کی گئی ہیں۔
پاکستان سے42 لاکھ اور اورسیز پاکستانیوں کے جانب سے 2 لاکھ 15 ہزار شکایات موصول ہوئی ہیں۔ پاکستان سیٹیزن پورٹل پر اب تک 40 لاکھ شکایات نمٹائی گئیں۔ پاکستان سیٹیزن پورٹل کی کارکردگی پر 46 فیصد شہریوں نے اطمینان کا اظہار کیا ہے۔
