ورلڈکپ کا شیڈول جاری کرنے کی تاریخ آئی سی سی نے بتا دی
یوتھ ویژن نیوز: انٹرنیشنل کرکٹ کونسل کے چیف ایگزیکٹو جیف الرڈائس کا کہنا ہے کہ ہماری کوشش ہے جلد سے جلد ورلڈکپ کا شیڈول جاری کریں۔
رپورٹ کے مطابق جیف الرڈائس نے اپنے بیان میں کہا کہ بی سی سی آئی کی جانب سے شیڈول ہمیں ایک آدھ دن میں مل جائے گا، شیڈول ملنے کے بعد ممبرز ممالک اور براڈکاسٹرز کے ساتھ مشاورت کریں گے۔
الرڈائس نے کہا کہ تمام اسٹیک ہولڈرزکےساتھ مشاورت کے بعد ورلڈکپ شیڈول کا اعلان کریں گے، کوشش ہوگی کہ سب کے ساتھ جلد سے جلد مشاورت کریں، کسی بھی ملک کو میزبانی دیتے ہیں تو ان کے ساتھ مل کرکام کرتے ہیں۔
جیف الرڈائس کا کہنا ہے کہ کئی بار ایونٹ کے لیےکرکٹ سسٹم اور حکومتوں کے ساتھ بہت زیادہ مشاورت کرنی پڑتی ہے۔ ہماری ٹیم ایونٹ کو کامیاب بنانے کے لیے مسلسل کام کر رہی ہے چیف ایگزیکٹو آئی سی سی پاکستان کے ورلڈکپ میں شرکت اور شیڈول میں تاخیر کا سوال گول کرگئے۔
