برف باری نہ ہونے سے 50 سالہ ریکارڈ ٹوٹ گیا
نیویار ک کا برف سے خالی آسمان، 50سالہ ریکارڈ ٹوٹ گیا
امریکی شہر نیویارک رواں سال موسم سرما میں برف باری نہیں ہوئی جس سے 50 سال کا ریکارڈ ٹوٹ گیا ہے۔
فرانسیسی خبر رساں ادارے اے ایف پی کے مطابق اس سے قبل ان دنوں مین ہیٹن کے ٹائم سکوائر اور سینٹرل پارک برف سے ڈھکے دکھائی دیتے تھے۔اسی طرح شہر ایک اور ریکارڈ کے بھی قریب ہے جو مسلسل ایسے ایام کی زیادہ تعداد ہے جن میں برف کے گولے دکھائی نہیں دیے۔
موسم کی اس کروٹ نے نیویارک کے رہائشیوں کو حیران و پریشان کر دیا ہے اور اس پر مختلف انداز میں اپنی رائے کا اظہار کر رہے ہیں۔ شہریوں کا کہنا ہے کہ بنیادی طور پر ہم برف کو پسند نہیں کرتے، مگر اب ہم شدت سے اس کی کمی محسوس کر رہے ہیں۔
نیویارک جس کو بگ ایپل بھی کہا جاتا ہے میں عام طور پر دسمبر کے وسط سے برفباری کا سلسلہ شروع ہوتا رہا ہے اور پچھلے سیزن میں یہ کرسمس کے دنوں میں آیا تھا۔شہر میں شدید برف باری کا سلسلہ اس کے بعد شروع ہوتا تھا جس کو سکول کے بچے اور ملازمین اس لیے بہت پسند کرتے ہیں کیونکہ ان دنوں ان کو چھٹیاں ملتی ہیں۔
نیشنل ویدر سروسز کا کہنا ہے کہ ایسی صورت حال 1973 میں آخری بار دیکھنے کو ملی تھی اور 29 جنوری تک برفباری کا انتظار کرنا پڑا تھا۔29 جنوری گزرے کا مطلب یہ ہے کہ یہ دورانیہ اب 1869 کے بعد سے لمبا ترین عرصہ ہے۔ حکام نے بتایا کہ یہ معمول سے ہٹ کر بات ہے اور عالمی سطح پر ہوا کے کم ہوتے دباؤ کی وجہ سے یہ ہوا ہے۔
