سستے تیل کیلئے روس اور پاکستان میں معاہدہ ہوگیا
ہنگائی کی چکی میں پستی عوام کیلئے بڑی خوشخبری ، پاکستان اور روس کے ساتھ سستے تیل، پیٹرول اور ڈیزل سے متعلق معاہدے ہوگئے۔
وزیرمملکت پیٹرولیم مصدق ملک نے دورہ روس کے بعد ہنگامی پریس کانفرنس کرتے ہوئے کہا ہے کہ عوام کو مبارکباد دیتا ہوں ، روس ہمیں رعایتی نرخ پر خام تیل فراہم کرے گا۔ روس پاکستان کو پیٹرول اور ڈیزل بھی رعایتی نرخوں پر دے گا۔
مصدق ملک کا مزید کہنا تھا روس کا دورہ ہماری امیدوں سے کافی زیادہ کامیاب رہا۔روسی سرکاری وفد وزیر توانائی کی قیادت میں جنوری میں پاکستان کا دورہ کرے گا۔روس سے پائپ لائن سے متعلق بھی گفتگو کی گئی۔ تیل، پیٹرول اور ڈیزل سے متعلق معاہدے ہوگئے ہیں۔نئے کارخانوں سے ایل این جی کے نئے معاہدے کریں گے۔
انہوں نے کہا ہمیں ترقی کرنے کیلئے توانائی کی ضرورت ہے۔ سابق حکومت ترقی کے راستے بند کرکے چلی گئی تھی۔حکومتی سطح پر ساڑھے 4 ٹن گندم امپورٹ کرنے کی اجازت دے دی گئی ہے۔ وزیراعظم چاہتے ہیں ہم زراعت میں خود کفیل ہوں۔وزیراعظم نے کہا میں چاہتا ہوں کہ ہر نوجوان کو نوکری ملے۔ آگے بڑھنے کیلئے ہمیں ترقی کی شرح میں اضافہ کرنا ہوگا۔