ڈالر کی بلیک مارکیٹنگ میں ملوث بینکوں کیخلاف تحقیقات کا دائرہ وسیع

یوتھ ویژن نیوز (عاقب غوری سے )اسٹیٹ بینک نے ڈالر کی بلیک مارکیٹنگ کے خلاف تحقیقات کا دائرہ بڑھا دیا، گورنر اسٹیٹ بینک کے مطابق 8 سے زائد بینکوں کی تحقیقات ہو رہی ہیں –

گورنر اسٹیٹ بینک جمیل احمد نے نجی چینل سے گفتگو میں انکشاف کیا کہ ڈالر کی بلیک مارکیٹنگ میں 8 سے زائد بینکوں کے خلاف تحقیقات ہو رہی ہیں۔

یہ بھی پڑھیں: وفاقی وزیرخزانہ سےعرب امارات کے بینکوں کےانتظامی عہدیداروں کی ملاقات

گورنر اسٹیٹ بینک کا کہنا تھا کہ ڈالرکی مصنوعی قدربڑھانےمیں ملوث بینک کیخلاف کارروائی ہوگی، تحقیقات رواں ماہ کے آخر تک مکمل کرنے کی ہدایت کی ہے۔

جمیل احمد کا مزید کہنا تھا کہ رواں ہفتے ایک لاکھ ڈالر تک کی تمام ایل سیز کھل جائیں گی، اسٹیٹ بینک کے پاس 7.9 ارب ڈالر کے ذخائر ہیں۔