عام لوگوں کی نسبت فری لانسرزکوزیادہ سائبرسکیورٹی خطرات کا سامنا ہے,فری لانسنگ گرو ہشام سرورسےملاقات میں گفتگو،اسد الرحمن
سائبر سکیورٹی ایکسپرٹ محمد اسد الرحمن کی فری لانسنگ گرو ہشام سرور سے ملاقات ہوئی جس میں فری لانسرز کو پیش آنے والے سائبر سکیورٹی خطرات کے متعلق گفتگو ہوئی۔ اس موقع پر سائبر سکیورٹی ایکسپرٹ محمد اسد الرحمن نے کہا کہ ڈیجیٹل دنیا میں رہتے ہوئے عام لوگوں کی نسبت فر ی لانسرز کوزیادہ سائبر سکیورٹی خطرات کا سامنا کرنا پڑتا ہے۔ آئے دن فری لانسرز کے اکاؤنٹ ہیک ہونے اور ڈیٹا انکرپٹ ہونے کے واقعات میں اضافہ ہوتا جا رہا ہے جس کی سب سے بڑی وجہ فری لانسرز کا کریکڈ ورژن سافٹ ویئرز کا استعمال کرنا ہے لہذا فری لانسرز سائبر سکیورٹی تجاویز کے مطابق اپنے اکاؤنٹس کو محفوظ بنائیں اورریسنم اٹیک سے بچنے کے لیے اپنے سافٹ ویئر و آپریٹنگ سسٹمز اپ ڈیٹ رکھیں، تصدیق شدہ سافٹ ویئرز استعمال کریں اور انجان ذرائع سے آنے والی فائلز کو ڈاؤنلوڈ نہ کریں۔ ملاقات میں سائبر سکیورٹی ایکسپرٹس کا فری لانسنگ پلیٹ فارمز پر سکوپ کے متعلق بھی گفتگو کی گئی جس کے متعلق فری لانسرہشام سرور نے کہا کہ ایسے طلباء و طالبات جن کے پاس ڈگری نہیں لیکن سائبر سکیورٹی کے متعلق مہارت رکھتے ہیں تو وہ بذریعہ فری لانسنگ بہترین روزگار حاصل کر سکتے ہیں۔